生命个美丽，勒勒顺其自然
沪语朗读：俞镝
朗读者
生命个美丽，勒勒顺其自然
作者：彩云追月
沪语改写，朗读：俞镝
指导、推荐：丁迪蒙
人生呒没纯粹个甜搭仔苦，总歸是苦里向有甜，甜里向有苦；人生之路，也呒没理想个笔直，同樣是笔直搭仔曲折勿断个交替。
生命个珍贵搭仔美丽，就勒勒懂得顺应自然，勒勒曲折當中走出自家独特个人生之路。人生最曼妙个风景，应该是内心个淡定搭仔从容；阿拉应该走好选择个路，勿要选择好走个路，侬再能拥有真正个自家。
遇到人生个难题要淡定。淡定是一味良药，伊能够熄灭内心熊熊燃烧个火焰。一个“淡”字，一边是水，一边是火，水能克火，水到火灭。淡定，看上去好像是消极退让，实际浪向是一味降压消火个妙药。淡定，能够让浮躁个心灵趋于平静，能够让冲动个魔鬼消弭于无形。淡定个人生，勿浮躁，勿呆滞，勿狂妄，勿自弃，花开花落，云卷云舒，我个心依然平静。
假使要追求真实美好个人生，首先必须用心选好人生个方向，选好行走个方式。永远勿要勒机场裡向等一只船，也永远勿要勒码头浪向等一只飞机。勿要勒等了半半六十日以后，再晓得是徒劳白等，搿個辰光后悔也就来勿及了！
人生是一次长途跋涉，所以旅途是老吃力个。侬现在勿吃力，以后就会得更加吃力。阿拉一路奋战，勿是要去改变别人，更加勿是变成功别人，而是要做好自家。
勒生活个风雨旅程当中，当侬眼痒别人家住勒高楼大厦裡向个辰光，可能团勒墙角个人，正勒眼痒侬有个可以遮风个草棚棚；当侬眼痒别人家坐勒豪华车子里向，自家卻勒地浪走路、邪氣失落个辰光，可能睏勒病床高头个人，正勒勒眼痒侬还可以自由自在跑来跑去。
成功勒坎坷當中孕育，胜利勒失败當中诞生。阿拉既勿能否认坎坷，也勿能掩饰失败。顺畅搭仔美好或许会得勿期而遇，但坎坷搭仔失败随时侪可能发生。
所有个挫折侪勿可怕，可怕个是呒没淡然个心态，呒没面对个勇气，呒没战胜个智慧，甚至呒没立起来个毅力。遭遇多少坎坷儕是运气，能否走过坎坷要凭意志，能够拯救阿拉个只能是自家！
人要堕落，苍天也救勿了；人要坚强，绝处也能逢生。所以，彆扭的事體勿要糾纏勿清。纠缠久了，侬个心会烦，意会乱，头会痛，身会疲，人会吃力，神会伤。最终，侬勿是跟别人过勿去，而是跟自家过勿去。
一生辗转千万里，莫问成败重几许，得之坦然，失之淡然，与其勒别人个辉煌里仰望，勿如亲手点亮自家个心灯。人生苦短，既勿能活得忒吃力，也勿能只贪图轻松。该拼搏个辰光必须拼搏，该放松个辰光就要放松。有眼泪就哭，想笑就笑，要活得悠悠然然，活得洒洒脱脱，甚至还要苦中作乐。人生勿可能一直称心如意，但侬只要永远朝牢阳光走，影子总歸会得躲勒后头。
刺眼个地方，就是侬走对个方向！
往期回顾：
图片来自网络