我是第612492条好汉
来源：新民晚报
作者：郑自华
沪语改写：冯济民
讲述：顾卫芳
1989年4月中旬，我有了一次到北京休养个机会。能到伟大首都旅游，是我一辈子个梦想。勒一个礼拜个辰光里，我游览了圆明园、人民大会堂、天安门广场、人民英雄纪念碑、故宫、大观园、定陵博物馆等。北京个名胜古迹拨我留下了深刻个印象。19日，安排登长城。导游和同事侪对我讲，勿要去了，爬长城老吃力个。搿年，我刚过40岁，按道理是年富力强个辰光，问题是我因小儿麻痹后遗症，左腿落下了残疾，行走勿便。搿次北京游呒没掉队已经很勿容易了，问题是现在是登长城，所耗费个体力将是巨大个。我当然晓得长城勿是介容易上得去个，相信“勿到长城非好汉”绝对勿是瞎讲个。但现在到了长城脚下，哪能好勿上去？长城再高，但我个决心更高。我要当一条好汉。
我攀登个八达岭是明代长城个精华，八达岭长城是北京开放最早个一段长城，海拔高达1015米，地势险要，城关坚固，有五百多年个历史了。我拨自家定个目标是登上第一个烽火台。我勿晓得到第一个烽火台有多少距离，目测了一下，倒抽了一口凉气，觉着烽火台个伊头是天边。我勿晓得自家是否能爬得上去。我扶着墙角，沿着台阶一级一级向上走。我勿敢向上看，也不敢向两边看，我个目光就落勒脚下个每一块石砖上。我只晓得，我现在是一步一步向前，是一步一步一步勒攀登。辰光一分钟一分钟过去了，我个步子缓慢而沉重，我个步幅老小个，但是每一步侪是向上个，向着登高个目标坚定勿移个走。前面有人挡着了，伊拉或是聊天，或是取景拍照。我就静静个立勒嗨，勿讲一句闲话，当对方发现了我头上热气腾腾个汗水时，赶紧让开。慢慢叫，我发现前面挡路个人越来越少，我顾勿上猜测原因，只关心脚下。我沿着目标一小步一小步向前，先是登，颇有几分英雄豪气，慢慢是移，最后简直就是挪了。我晓得自家已经到了体能个极限。但勿管哪能，我要登上去，只要能登上去，就是胜利。
当我走到一块开阔个地方时，我晓得我已登上了第一个烽火台。我抬起头，想看看蓝蓝个天，想看看长城两边个风景，却看见前面有几十个人侪注视着我，然后伊拉齐声呐喊，并向我报以热烈掌声。原来是伊拉清扫了我前面个“障碍”，是伊拉勒默默个为我保驾护航。汗水、泪水挂满了我个面孔。我勿停个打躬作揖，嘴里勿停个讲着“谢谢各位！谢谢各位！”
我坐勒烽火台上，此刻，我立勒天地之间，我立勒历史搭现代个。界点。后来我去过交关名胜古迹。但是，呒没一次有登临长城个感悟更多，呒没一个地方让我魂牵梦绕。勒我个心里，长城最美。是个，登长城有点枯燥，因为长城只有砖，但是，登长城，每个人侪有一种精神浪个洗礼，灵魂浪个震撼。对悠悠历史个敬畏之情会油然而生。长城，是中华民族个瑰宝，是对人类个杰出贡献，长城搭中华民族个兴亡联系勒一道，长城成了中国个代名词只要万里长城勿倒，中华民族永勿倒！
我收藏了搿次登八达岭个门票，严格讲搿只能是一张小纸片，门票设计极其简单，简单到连长城图案也呒没，唯一能拨人留下印象个就是“我登上了万里长城”几个字以及编号612492。搿这就是讲，我是第612492条登上长城个好汉！
朗读者
往期回顾：
图：郑自华 / 编辑：渺渺