中华节气丨春分:风雷送暖,百花烂漫
沪语朗读:顾敏
朗读者
中华节气丨春分:风雷送暖,百花烂漫
来源:蒙巽书院
原作:张少华
沪语改写、朗读:顾敏
推荐:丁迪蒙
风雷送暖入中春,
桃柳着装日日新。
赤道金阳直射面,
白天黑夜两均分。
听众朋友们,大家好!
刚刚搿首诗是左河水先生个七绝《春分》。勿知勿觉,2019年个春分已经到了。
春分,二十四节气之一,是春季九十天的中分点,太阳到达黄经0°(春分点),太阳直射地球赤道,南北半球季节相反,勒北半球是春分,勒南半球就是秋分。
春分,古代又称为“日中”、“日夜分”、“仲春之月”。《明史·历一》里讲:“分者,黄赤相交之点,太阳行至此,乃昼夜平分。”所以,春分个意义,一是指一日天里个辰光白天黑夜平分,各为12小时;两是古代从立春到立夏搿段辰光为春季,春分正好勒春季三个号头正当中,平分了春季。
《月令七十二候集解》里讲:“二月中,分者半也,此当九十日之半,故谓之分。秋同义。”《春秋繁露·阴阳出入上下篇》里讲:“春分者,阴阳相半也,故昼夜均而寒暑平。”欧阳修对春分也有过一段精彩个描述:“南园春半踏青时,风和闻马嘶,青梅如豆柳如眉,日长蝴蝶飞。”
勒勒古代,春分分成“三候”:
一候元鸟至;
二候雷发声;
三候始闪电。
意思是讲,说春分以后,燕子就从南方飞来了,下雨个辰光天浪就要打雷、闪电。
“二月惊蛰又春分,种树施肥耕地深。”春分也是植树造林个好辰光,古诗就有“夜半饭牛呼妇起,明朝种树是春分”个句子。
勿管勒南方还是北方,春分节气侪是春意融融个大好时节,俗话讲得好:“春分麦起身,肥水要紧跟”。一场春雨一场暖,春雨过后忙耕田。春季大忙季节就要开始了,春管、春耕、春种即将进入繁忙阶段。
因为春分节气平分了昼夜、寒暑,大家勒勒保健养生个辰光要注意保持人体个阴阳平衡状态。春分节气个辰光人体血液也正处于旺盛时期,激素水平也勒勒相对高峰期,要禁忌大热、大寒个饮食,保持寒热均衡。
竖蛋
勒勒每年春分搿一天,世界各地侪会得有成千上万个人勒做同一个试验——“竖蛋”。迭个“中国习俗”哪能会得成为“世界游戏”,尚难考证。不过,搿只游戏白相起来倒是邪气简单、有意思个:拣一只光滑匀称个新鲜鸡蛋,轻手轻脚个让伊勒台子浪竖起来。虽然讲失败个人老多个,但是成功个也勿少。春分,变成了竖蛋游戏个最佳辰光,所以就有的“春分到,蛋儿俏”个讲法了。
另外,阿拉国家民间还有勒春分搿天吃春菜、送春牛、放风筝、春祭、祭日等习俗。
祭日
勒勒周代,春分有祭日仪式。据《礼记》记载:“祭日于坛。”孔颖达疏:“谓春分也”。清代学者潘荣陛《帝京岁时纪胜》:“春分祭日,秋分祭月,乃国之大典,士民不得擅祀。
勒北京朝阳区有一家公园,叫日坛公园,此地是明清两代皇帝在春分这一天祭祀“大明神”太阳的地方,祭祀个辰光就是春分搿天个卯刻。每逢甲、丙、戊、庚年份,皇帝亲自祭祀,别个年份就让官员代替了。祭日,虽然比不勿上祭天、祭地,但仪式也是交关隆重个。
好了,各位亲爱个朋友们,最后,再分享拨大家一首五代文学家、书法家徐铉的一首《偷声木兰花 春分遇雨》,祝大家春风得意,健康平安。
天将小雨交春半,
谁见枝头花历乱。
纵目天涯,
浅黛春山处处纱。
焦人不过轻寒恼,
问卜怕听情未了。
许是今生,
误把前生草踏青。
往期回顾:
图片来自网络