沪语故事——有个小囡叫卷毛

沪语朗读：和沁

【沪语故事】

有个小囡叫卷毛

作者：高汉良

原載《嘉定报》副刊

朗读：和沁

早浪向，外公有眼事体要到外头跑一趟。阿拉个“小秘书”卷毛，伊本来还辣蒙头困觉，勿晓得会一记头从皮头筒里申出小脑袋，老尬三千关照：“外公，侬带个末事勿要忘记脱！”外公笑起来了讲：“晓得来！” 小家伙又问：“搿侬手表戴好了伐啦？”外公答：“侬看呀，外公戴好来。” “小秘书”才像煞有介事放行：“去吧、去吧！穿马路当心点奥！”

夜快头，卷毛搭外婆、外公在房间里白相。门铃响起来了，外婆讲：“拿妈妈回来了，快点去开门呀。”外公瞎起劲跑得快来……卷毛要紧抢到外公前头，小人哄大人：“侬嫑去呀，你别嫑去呀，估计是大灰狼来了！” “啊？大灰狼来啦？”外公假装一吓……小家伙自己得意地打开房门，扑到了伊拉姆妈嗰怀里……

夜饭吃好，卷毛坐拉电视机前头看《百里挑一》，她拉着外婆的衣角讲 “外婆，我也要当女嘉宾！”外婆问：“当女嘉宾做啥？” “到电视机里厢讲闲话呀、唱歌呀！”  好，外婆假装头做起主持人来，伊讲：“请问小嘉宾，侬叫啥个名字啊？” “卷一毛！”小家伙认真的勿得了，像立拉台浪一样。“搿侬今年几岁啦？”“三岁，奥，勿是，逆（20）岁！” “侬辣阿里工作啊？” “辣小蝌蚪幼儿园，上中班了！”……

窝里厢来了一个抓食品卫生个“领导”。小卷毛对外婆刚刚从超市里买来的酸奶“严格”把关！伊横看竖看，讲：“外婆，迭个末事过期了伐？”“过期？” 外婆心里想笑，妈妈尬进来请教她：“搿哪能办啦？” “领导”佬严肃个关照：“去，去，摆辣冰箱里热一热！” 外公爱找麻烦：“冰箱？冰箱是冰末事个，哪能热啊？”“领导”一脸尴尬：“搿末侬摆辣微波炉里厢热好来。”

蛮晚（ai）了，小卷毛还勿想困觉，躺在床上哇啦哇啦讲故事……讲的是外公刚刚教伊嗰“兔子和乌龟赛跑”个事体。搿辰光，有只小蚊子辣眼面前飞来飞去，卷毛立刻拿伊编到了故事里向：“小兔子正在困觉，小乌龟爬呀爬，小蚊子飞过来了，小兔子讲：滚、滚、滚，这是我嗰床……”

外婆拔卷毛喂饭，卷毛讲要外公喂。外公骨头轻，要紧凑上去“执行”任务！伊殷勤地拿一勺饭送到卷毛嘴巴边浪……啥人晓得，卷毛勿开心了，一把推开外公讲：我要告状！外公是丈二和尚摸不着头脑：做啥啦？卷毛勿采伊。跑到灶头间对着外婆大声讲：“外公让我吃烫个，他吹也勿吹一下！”喔唷，侬就勿能对外公直说吗？何必“告状”啊……

有一天，外公辣看曼联对申花的足球比赛。卷毛悄悄走到面前，轻轻嗰对外公讲：“侬帮啥人？我也帮啥人！”外公讲：“今早，我不帮穿红衣裳个！（曼联）” 卷毛心领神会。过了一息息，蓝色嗰申花队发动进攻啦，小家伙突然大声吆喝起来：“加油！加油！加油……” 一边还拿伊讨好的目光抛向外公。

卷毛有一件“宝物”，叫“巴啦巴啦小魔仙”，是一把像剑一样的电动玩具。夜饭吃好，外公准备下楼倒垃圾，刚跑到门口头，卷毛拿着伊嗰“宝物”急匆匆赶过来：“外公，外公，你乃好搿把剑，碰到大灰狼个辰光，就念‘巴啦巴啦小魔仙……变！’晓得伐？”搿付认真个模样感染了外公。“晓得！”外公慎重接过“宝物”，提着垃圾出了门……            

朗读者

往期回顾：

妖娆杜鹃

风雨之夕

牡丹的拒绝

沪语民谣——阿拉去白相

图：网络  /  编辑：渺渺