凡是让侬勿适意个关系，侪是错个
沪语朗读：王宇洲
来源：禅缘
沪语改写、诵读：王宇洲
人迭个一生，大概会得碰到2920万个人，但是，每个人身边个位置其实是有限个。
合则来，就是高山流水，得遇知音；
不合则去，好聚好散，勿必忒过介意。
适意个关系无关讨好。
有一句古话：“君子之交淡如水。”
真正个君子，看重个勿是奉承，所以巴结呒没用；真正个朋友，看重个勿是名利，所以搭地位呒没关系。
只需要做好自家，冥冥当中自有缘份。勒两颗心相交个辰光，身份个隔阂就侪成为了春日消融个冰雪，随江河而去。
高山流水，幸遇知音。
年未三十，俞伯牙已经是一位举世闻名个琴师，交关人慕名而来，想尽办法来求见，却拔伊拒之门外。
当伊勒山浪向上鼓琴个辰光，一个樵夫立勒旁边听琴。旁边个童仆得意洋洋个讲：“迭位可是大名鼎鼎个伯牙先生。”
樵夫并呒没因为伯牙个名声而露出谄媚之色，反而沉醉勒琴声里向，开心个讲：“弹勒真好啊！我好像是看到了一座巍峨个大山！”
伯牙勿动声色，转念想勒流水，樵夫感慨：“我好像看到了流水汤汤而去。”
搿个辰光，俞伯牙却琴起身，拉牢子樵夫个手，惊喜个讲：“侬才是我真正个知音啊。”
迭个樵夫就是钟子期。子期过世以后，伯牙终身再也勿弹琴了。
让人适意个友情，始终是离开利益关系个交契。两个平等个人相互信任，彼此坦诚，迭个是我能想到个最好个相处。
如果讲有一段友谊需要侬小心翼翼个维护，是勿是也会得觉着疲累勿堪？如果讲有一段感情需要侬唯唯诺诺个应承，是勿是也会得觉着精疲力尽？
单方面个付出，总有一天会得山洪暴发。与其撕破脸皮，勿如及时放手。
哲学家马克思讲得好：“奉承并勿能得到友谊，只能用忠实去巩固伊。”
何必攀明月，明月自相随。真正适意个关系，无关讨好，相处勿吃力。
拿身边个位置留拔懂侬个人
有辰光，分开勿是因为矛盾，只是三观勿同，追求各异。
还记得“割席绝交”个故事伐？
有一天，一辆华贵个马车从书院门前经过，管宁专注于读书，华歆却屏勿牢跑出门去看。
回来个辰光，管宁拿两个人同坐个席子分开，淡淡个讲：“从今朝开始，我们勿再是朋友了。”
华歆先开头是诧异，后来就释然了。当自己向达官贵人投去羡慕个目光个辰光，对方牢早就晓得自家想要走仕途了。
伊并呒没强求搭子挽留，却是尊重对方个选择，彼此心照不宣。
既然呒没办法同行，个么就从此你走阳关道，我过独木桥。
志同道合者为朋，意气相投者为友。
硬紧要搭子三观勿同个人走勒一道，常庄会因为迁就而违背自身个意愿。
或者是身处人群，又勿愿意随波逐流，越来越感着孤独，每一场喧嚣侪是折磨。
与其逢场作戏，勉强维持搿段双方侪勿适意个关系，勿如果断离开。
有道是：“三观勿同，勿必强融。” 碰到了，就只当萍水相逢，做泛泛之交，呒没必要为难自己。
拿身边个位置留拔懂侬个人，搿才是明智个选择。
维系感情在于彼此尊重
文学家梭罗勒《瓦尔登湖》里向写道：
“我们生活得太拥挤。因此我觉着，我们缺乏彼此尊重。”
关系再好，假设相处起来呒没边界，个么就会得勿可避免个相互干扰。
言语之间勿晓得尊重，也会慢慢叫产生隔阂。
读者李芳，曾经勒了公司里向认得了一个朋友，两个人住勒近，常庄一道上下班。每个周末，伊拉常庄会得约出去逛美食街，分享阿里一家个衣裳更加好看。
原本以为会得一直搿浪好下去，直到李芳开始备考公务员。
因为辰光比较紧张，所以伊周六日侪勒窝里相复习，呒没想到对方个电话却是接二连三个打过来。
“勿好意思，我要复习，勿能陪侬白相了。”
“搿种考试勿是随便考随便过个嘛，出来白相呀。”
听到搿个闲话，伊有眼不适意，但是也呒没放勒心浪向。可是长久以后，伊勿但呒没办法静心复习，甚至于对电话铃声产生了恐惧。
有一天，伊终于拿对方个号码拉黑了，才长舒一口气。
最能解渴个，莫过于一杯水。最适意个关系，莫过于淡而不腻。
活勒通透个人，侪懂得搿个一点，恰到好处个把握分寸，出于善意个保持距离。
搿种分寸感，并勿是冷漠傲慢，而是勿越界。月盈则亏，水满则溢。
勿侵犯他人个边界，同时保牢自家个底线，才是尊重他人，也是尊重自己。
牢欢喜一句闲话：“隔天涯之遥而勿生疏，居咫尺之地而不轻佻。”
费力个感情，勿必勉强；心灵个交契，无须多言。
人与人之间个相处，始于性格，久于适意。
朗读者
往期回顾：
图：网络 / 编辑：渺渺