有趣的绰号
朗读：曹凯
乘地铁碰到小学同学，寒暄一番各奔东西。突然想起伊小辰光，因为勒男女同学当中侪混得开，绰号叫“万能胶水”，伊同桌名字里带了一个“萍”字就叫“烂苹果”，心里一阵暗好笑。当年读书咯辰光，几只捣蛋鬼热衷于给每一个同学起绰号，我好几年里就一直被叫“大头”。多年以后，有些人咯名字老早忘记忒了，但绰号还是念念不忘！
绰号，大多数是从名字谐音或外形特征上演化出来的，也有出于行为举止。譬如：“万能胶水”出自于行为举止；“烂苹果”引申自名字；“大头”则是外型；还有，把又瘦又长同学叫成"绿豆芽"，同样长得又瘦又长，但脚有外趴就叫"蟹脚"，笡头就是“六点零五分”。当年上海家长为小朋友起名字咯辰光，非但要叫得响亮，含义高雅，而且还要兼顾到不要被同学起不好听咯绰号，特别是名字用上海闲话读起来不可以有歧义。
上海人假使姓谭，起名字咯辰光一定要离“宇”字音远一点，因为姓谭咯同学曾经给阿拉取绰号“痰盂”。还有，严姓的名字不能用“旺”，毕姓的不要碰“珊”，绰号叫“阎王”和“瘪三”总归不好听。柴姓人家如有两个儿子，千万不可以取名“柴思、柴武”，原以为文武双全，但用上海闲话讲起来就会产生歧义。当然，聂姓和夏姓人家，囡儿起名字要注意“思萍”和“卓佩”。
文革期间，没有师道尊严，阿拉班里有一个年轻咯语文老师姓卞，普通话里卞姓和大小便的“便”字同音，大家背后头侪叫伊小卞。我咯同桌脑子缺根筋，上课回答问题咯辰光叫：“小卞、小卞”，卞老师没有听清爽，就走过来轻轻对伊讲：“不要大声叫小便太难听”。啥人晓得伊马上改口叫：“大卞！”
中学毕业大家侪长大成人了，再叫小辰光咯绰号有点不恭敬，所以大家改口叫名字。但是当面叫名字，背后就叫“魁兄”或者“某格里”：姓王就叫“王格里”，姓陆就叫“陆格里”，“魁兄”和“格里”这两种称呼是上海特有咯。
“魁”的意思北方人叫“显摆”“充大尾巴狼”。
陆连奎当年是上海公共租界咯督察长，先拜黄金荣为“老头子”，发迹后自认为是“上海滩老大”，得罪了“四大家族”，结果被暗杀。所以勒上海滩上还有一句俚语：“侬再魁也魁不过陆连奎！”，因为“魁”和“奎”读音有点雷同，所以一直有人混用。“魁”可以组成好几个词组：“摆魁劲”“魁兄”“魁嗒嗒”。而上海人经常讲的则是：某某人“老魁”。听说苏州人也有用“老魁”和“摆魁劲”来形容人咯。
“格里”是老上海常用咯绰号，源自洋泾浜英文“同事”咯谐音，据说最早是称呼洋行里职员，后来，穿西装摆架子咯男人也会被叫做“某格里”，有点不屑一顾咯意思。
到了文革期间，一切侪颠倒了，大大小小，男男女女侪叫“师傅”或者“同志”。改革开放以后，觉得叫“师傅”太俗，叫“同志”太革命，还有可能被歧义为同性恋，所以大家就改叫“经理”或“总经理”，一时间连小超市咯负责人也要称“总”，又过了一段辰光“老总”也泛滥成灾，就干脆叫“老板”，一下子星火燎原，连大学教授所带咯科研团队侪称呼教授为“老板”。不过，勒阿拉这代人口中，叫“先生”“老师”最顺口，叫“魁兄”“某格里”最亲切。
现在从年轻人嘴巴里讲出来咯上海闲话，比起以前要简单多了，而且大有向普通话靠拢咯趋势，伊拉不能体会用上海闲话取绰号时咯乐趣，不晓得“魁兄”“格里”是啥意思，更不理解上海闲话里咯噱头是哪能摆进去咯！如果有一天上海闲话咯词组侪要从普通话翻过来，而且还倷伊当作是正宗，搿就一点也没有劲了！
往期回顾：
图：网络 / 编辑：渺渺