【港島行山篇】柏架山➕將軍石

4月24日 星期五 17~21度 天陰清涼

老天待我地不薄，行哂成程先嚟落雨，而且視野非常好，影相好靚，但呢幾日有落過雨，所以山徑濕滑增加難度及時間。由美景路段分义路口穿林上柏架山 (非正式路徑) 雖然濕滑尚算可以，只要帶好手套倆旁亦有樹枝草供攀附，柏架山落天音響石路徑短易走，最難是落將軍石，高度約450米下降至280米的將軍石比前段上柏架山更難 (約35分鐘路程)，沿途遇見位伯伯，佢單人匹馬由下而上。。。佩服佩服 !!!

路線 : 西灣濾水廠 ➡ 猛鬼橋 (大潭峽石橋) ➡ 柏架山 (532米高) ➡ 天音響石 ➡ 將軍石 ➡ 耀興道 (耀東村耀華樓) 完 (全程約6.2公里/5.5小時連影相休息 ~ 因路滑所以需時較長)

上次去石橋係由柴灣峰華村行過去，今次坐車去慳番啲時間，上美景分义口亦由另一邊上快好多，不過要小心過一小段無行人路既馬路。

於筲箕灣乘9號於西灣瀘水廠站落車 (車程約10分鐘)

11:00起步，走入左邊石屎

約5分鐘後留意左邊，此路口走入就是猛鬼大橋了 (大潭峽石橋)

上次嚟都見唔到2個波波 (雷達站)，所以今日天氣算好好架啦 !!

沿剛才路線走回馬路，右邊走過一小段無行人路段 (要非常小心因為都多車往來)

安全過完，再往前走小小過對面上山

上山口 ~ 約走10分鐘可到美景路段分义位置

到美景路段分义位置 ~ 走右邊大風坳指示牌

走1-2分鐘留意右邊有分义口上柏架山

上柏架山分义口 (咁開心一陣你地就知味道.....哈哈)

走過電塔邊

正式上山啦 ! 路徑清晰 但濕滑 (位置約240米高)

上左約20分鐘後已經景觀開陽

右邊是大潭篤水塘

終於近距離見到2個波波啦 !!

差啲比佢嚇死，以為有蛇 O_O

轉埋上去就到柏架山標柱了

13:20攻頂了 ~ 柏架山 (532米高)，我地用左1小時25分先上到頂，差不多到頂時又走錯了路 O_O

小休後 ~ 13:35繼續行程，往波波方向山徑走往天音響石

15分鐘後穿過藍色欄杆接石屎路往天音響石

天音響石 ~ 用石敲打石頭會發出清脆響音 ，又唔係全部石都可以架，只有其中一塊可以 !!!

因為濕滑為安全計決定不下去了。

沿欄杆走接柏架山道

柏架山道

右邊是往另一個波波，我地轉左走

走到老人櫈邊有明顯山徑往將軍石

14:10開始落山往將軍石，差啲又比塊大石誤導以為走錯路，走過大石後下山

嗱嗱........開始高難度啦 !! 真係超濕滑架 >.<

回望

沿途風景真係好靚.......

間中會有繩協助，我覺得繩幫助唔大 (因為好鬆)，抓樹幹同草仲實在

14:45位置 ~ 用左35分鐘終於到將軍石了

呢到好多大石，影相時千萬要小心

似乎有人種植的

15:30位置 ~ 落山路徑在黃土的左邊，開始有點雨了，所以唔敢留太耐，快快落山

落去約10分鐘就可以接上平路山徑往西灣河方向走

下面是耀東坑，也有人從這邊上來

中下方是烏龜石

開始落耀東村，全部是樓梯