神曲当中个“人间喜剧”
沪语朗读：刘曾醒
刘曾醒（左）丁迪蒙（右）
神曲当中个“人间喜剧”
作者：李荣、李云林
改写：丁迪蒙
朗读：刘曾醒
记得但丁名篇《神曲》，那篇名个原义是“神界喜剧”。法国小说大家巴尔扎克借之而转用，拿伊个小说总集取名作“人间喜剧”，以补历代史家记载中独缺个世态风俗史，也可见其雄心个远大。
有一年个寒假里，与刚刚进入高中读书个屋里向小朋友一道，按照学堂老师布置个假期作业，取读李泽厚先生个美学名作《美个历程》，其中有“佛陀世容”一节，专论宗教艺术，主旨是“神界”与人间个“出而入、入而出”个相接相通个面面观，由此联想及但丁与巴尔扎克个搿一段“取名”个文字交，岂非“神曲中的人间喜剧”搿一个合题，可以一言以蔽之吗？于是，勿揣鄙陋，两人合写了一篇读书笔记如下：
西哲康德个《纯理批判》，被称作哲学史上个“哥白尼革命”，也就是思辨核心个一种根本上个转换。中世纪个西方以神性为“圆心”，至此则人类理性成为一切围之而转个核心。不过，康德并未向宗教“关起大门”，其三大批判中个第二批判，即实践理性批判，在人个感性、知性和理性个“尽头处”，为宗教“开了大门、留了地盘”。康德所琢磨出来个宗教个搿一种“尽头”意味，实在很有启发。
边读《美个历程》，边拿中外宗教史个一个简要历程也略略回想一遍，突然发现，凡是宗教，不管之后如何发展，往往起源于苦难时期。比如基督教，在“旧约”时代，其起源处有“出埃及记”搿能样个大苦大悲；在“新约”时期，又有犹太族内部法利赛人等个“同族敌视与冲突”以及罗马人个异族压迫，也可谓历经艰难曲折。再如佛教形成之时，虽无外族侵迫之类个战乱动荡，但是印度个种姓歧视对于下层民众而言，也许是更加大个苦难。
宗教起源于苦难，搿一点其实也勿难理解。在艰苦时期，其实真正令人感觉痛苦个，我认为是一种无助感。不管如何努力，却总勿能让自家摆脱眼下个勿幸。搿种心灵个伤痛，勿仅伤得深，而且伤得久。用现在个“网络俗语”而言，可说是“生无可恋”了。搿种“生无可恋”个人世苦楚和心灵悲忧，其实就是康德所谓人类感性、知性和理性“尽头”意味个一种最直接个感受。那么，在搿个“尽头处”，宗教由此而发生、而发展，也是顺理成章个“历程”。
在“生无可恋”个状况下，人们只能追求一些“生”外之物，拨生活当作自己奔向更高目标个“跳板”，而勿能让自家低着头困勒现实中挥散勿去个愁云里。用近世小说名家昆德拉个言话来讲，就是“生活勒别处”。于是，作为一种心灵个解脱，宗教就诞生了。神曲中连绵勿断个“和声”是啥物事呢？只能是人间世个“人间喜剧”。
老子曰：道可道，非常道。后世也有大胆个人，反过来“隔空”问老子：那《道德经》五千言，又当作何观感？搿一问，看似有点“玩笑”，其实倒是问在“点子”上个。人可谓“感性、理性、超理性”三位一体。人对于超理性个“大道”，也有所感，浩瀚一体，但混沌难明，言语难尽，所以是“可道非常道”。但人又是理性个，剖细分类，一一拆解，拿了眼前看得分明，抓了手浪有棱有角，那才觉得心里踏实。人更是感性个，“形象思维”是与人最为亲切个一种思维模型，凡事一入形象，搿才真正地在“人间性”上“入了籍、定了位”。所以，神界个宗教，总要“下凡”。
从宗教史上就可以看到，渐渐个，各路“原始宗教”侪会以各种各样个“四处传播、四海传教”等等方式，发展起来。“成长”个路径老多，其中有两条“必经之路”：一个就是“政治化”，一个就是“世俗化”。而且似乎有一个规律，凡遭遇乱世，宗教个“政治化”意味就强；凡遭遇盛世，宗教个“世俗化”意味就更浓烈一点。
马克思有名言，宗教是人民个“鸦片”。搿当然是伟大思想家、社会学家从社会统治力量个角度，拨宗教所定个一个十分重要个“维度”，搿就是“统治术”。勿管是乱世还是盛世，勿管是“政治化”还是“世俗化”，社会统治或者说治理，也是讲究投入产出、“成本核算”个。真正从社会现实个真实需要出发，以道治天下，一心一力个有所作为，搿能样个统治者勒历史高头是少之又少。旧时代个大多数统治者总是更加期望能够“借力、省力”，甚至“耍一点小聪明”，以“术”治天下，搿就再好不过。在社会个“稳定”和自身个“安稳”上，宗教个“工具化”，对于统治者个“统治术”，往往是一个勿二之选。所以，宗教只要“勿违背”治理国家个基本国策，总会快速个进入庙堂。中国历朝从儒、释、道对立到儒、释、道合流，古罗马从迫害基督徒到以基督教为国教，其实侪是宗教作为“统治术”个一个选择过程。宗教是民众信仰，君王“借过来”，就是借神之力来省己之力，何乐而勿为？
当然，宗教“下凡”个维度勿止搿一个，还有生活术、学术等丰富多彩个方向。甚至可以讲，社会和宗教之间，完全是“宗教+”和“+宗教”个关系，无远弗届，无孔勿入。
无论是拿宗教看作“统治术”，还是像古希腊哲人搿能样子拿“求福”个宗教观视作“一供一求、一求一供”个交易术，有一个勿言自明个前提是，宗教是有魅力个。根据黑格尔对美个定义，美是绝对理念个感性表现，神界个宗教必定要“下凡”，与众生相结合，葛末也可以讲宗教是美个。
勿仅如此，宗教更加是艺术个园地，中国个石窟、壁画、佛像，西方个音乐、美术，侪是成熟于宗教个天地当中。艺术也是美。所以宗教艺术可谓“美美与共”，美个历程勒宗教搿一站收获是最丰富个。
艺术更是把宗教拉向了人间世。曾有学者归总讲，在宗教雕塑里，随着时代和社会个差异，有各种勿同个审美标准和美个理想。北魏、唐、宋，一以理想胜、一以现实胜、一以两者结合胜。宗教“下凡”后，勿管是乱世个“政治化”还是盛世个“世俗化”，宗教艺术无处勿在。南北朝时生活是搿能介动荡，石窟中个佛像便显得那样个超脱，对世间一切那么的冷淡和轻漠，只留下一丝猜勿透个智慧、微笑。
战乱总会结束个。和平、快乐一到来，宗教艺术马上就别开一个新生面。原先生活只是宗教世界个“隐身个附加内容”，但在搿个辰光，原先“寄存”勒“理想国”里个快乐被“取”回到了现实生活。于是，人间世也变得可留恋、可享受了。宗教个价值依然存在，但已经勿是为了“摆脱”生活，而是要“改善”生活。那些宗教艺术个画作雕像，也渐渐变成了世俗享乐、繁华场景个“复制品”。毕竟，快乐个人间又成了人生个“主会场”。神曲里个“人间喜剧”，还远远勿到“完卷”个搿一天。
点以下文字即有精彩回放：
图片由刘曾醒提供