三流个姆妈做保姆，二流个做教练，一流个做……
沪语朗读：颜海雯
三流个姆妈做保姆，二流个做教练，一流个做……
文章来源：中国传统文化
沪语改编、朗读：颜海雯
推薦：丁迪蒙
三流个姆妈做保姆，二流个姆妈做教练，一流个姆妈，是哪能样子个？阿拉先勿去讨论迭句言话对还是错，随便哪能样子个姆妈，“榜样”也好、“教练”也好，“保姆”也罢，侪有一个共同个问题要面对个，搿就是：哪能介去处理自家个情绪问题。
姆妈个情绪对于小囡来讲意义相当重要，姆妈个性格搭仔脾气，会得直接影响到小囡个心理发育。姆妈性格温和，小囡个性情也趋于平和，内心世界稳定；假使姆妈性格暴躁、喜怒无常，小囡也就心浮气躁，碰到事体容易情绪化，做事体就老难成功。所以，控制好情绪是现代姆妈需要学习个重要一课。
要学个第一个字是：“虚”。交关姆妈邪气精明，一眼就能看出小囡个问题，而且摒勿牢马上就要指出来，迭个勿是姆妈个内涵。勒海看到自家小囡个优缺点个辰光，做姆妈个覅侪马上就反应出来。为啥呢？因为小囡需要空间去自家成长，姆妈随意而过多个评价，往往会得让小囡丧失内在个动力，而更多个去在意姆妈个反应了。有眼家长就想勿通了：小囡勒别人面前侪蛮好，只要一回屋里向，看到姆妈就马上变成了另外一个，变得急躁而又勿可理解。为啥会得迭能呢？可能就是迭个“虚”没做好。做勿到勿露声色、勿能够虚下来个姆妈，是没办法拨小囡个情绪提供一个空间。小囡个情绪得勿到姆妈个情绪包容，要么变得谨小慎微，要么对抗性强，亲子关系就难以顺畅。
要学个第二个字是：“弱”。姆妈勒海小囝面前要学会示“弱”。强势姆妈个小囡老难有自信，小囡个自信会得勒海姆妈一直强势个状态里一点点消失。能够勒海小囡面前示弱个姆妈，实际浪是通过示弱来实现对小囝个托举，小囝个内心会得因此逐渐自信而坚强。所以，如果希望自家个小囡有自信，就要学会勒海小囡个面前示弱。凡是对小囝一直强势的爷娘，实际上是勒海压制小囡个成长搭仔发展。
要学的第三个字是：“柔”。勒海小囝个成长过程中，一个姆妈真正个教育力量在于“柔和”。侬会得发现，越是柔和个姆妈，有辰光带动小囡个能力反而越强，越是喉咙汪汪响，对牢小囡叫个姆妈，则往往难以挑起真正引导搭仔带动小囡个重担。家长侪重视小囡个学习，但是，家长个心态应该放勒啥地方呢？请千万勿要急出乌拉去报班、寻家教、来煞勿及去寻眼方法层面个物事来解决小囡个学习问题。其实，家庭教育重在养，而非在教。阿拉需要特别解读两个字：情，礼。教育需要有情有礼，迭个是家长们勒海教育小囡个辰光必须遵守个原则。教无定法。
勿同家庭个小囡搭仔小囡个勿同成长阶段，需要个方法肯定是勿同个。但有个共同个原则需要引起注意：要有情有礼，情勒海礼个前头。葛末，现在家庭教育个现状究竟是哪能样子个呢？葛末，现在家庭教育个现状究竟是哪能样子个呢？
一个是：有情无礼。家长爱小囡爱得没边，明明已经勿小了，还恨勿得连伊个袜子也要帮伊着，帮伊汏。迭个是爱？迭个情已经失去了教育个价值。另一个是：有礼无情。尤其是家长勒海帮小囝讲道理个辰光，没感情铺垫。
随便啥个层面个教育，首先是要拨小囡有自家真实个内在情感。感情做足，等小囡希望侬讲点啥个辰光，再去拿道理讲出来。一定是勒情感交流到了一定程度个辰光，小囡再会得主动问：“姆妈，葛末我应该哪能办呢？”到了迭个辰光，道理讲过去，再有可能带拨小囡某种引导能力。
往期回顾：
图片来自网络