闲话比乐中学（下）
沪语朗读：周红璎
闲话比乐中学（下）
原创：老周望野眼
改编：丁迪蒙
朗读：周红璎
看了我上头个描述，假使勿是卢湾长大个朋友，邪气有可能勿晓得我勒讲点啥。假使讲，五爱中学一百三十年个历史相对还比较稳定，葛比乐中学个七十多年历史就忒颠沛流离了。勒淮海中路马当路个35年搭仔崇德路个23年算是相对固定个，大多数人对比乐中学个印象也是勒搿两个地方。
比乐中学创办个初衷是要勒初中阶段就对学生进行职业指导，让伊拉受过职业指导以后可以按牢指导升入分科个高中，达到“升学准备搭仔职业训练同时兼顾个目的”。1946年9月14日开学第一天，黄炎培参加开学典礼并讲话，还为学校写了校歌个歌词，曲子是由音乐家孙慎所作个。比乐中学个校歌是搿能写个：
比乐，比乐，我们有理想在憧憬着，我们有理想在憧憬着。太阳般热是我们的心，钢铁般健是我们的身，水乳般可融不可分是我们的感情。我们有理想在憧憬着，我们有理想在憧憬着。比乐，比乐，比乐。
比乐中学是一所一百多人的初级中学，但勒勒民主革命时代，伊是一个小小的战斗堡垒。除了职教社的切实支持外，比乐中学受到党个地下组织的关怀和帮助，1946年建校不久就成立了学生自治会。1949年上海解放时，比乐中学有三、四十名学生（全校今150名学生）随军南下，为革命输送力量。和卢湾其他学校相比，比乐中学是非常突出个。
比乐中学个老校长杨善继先生是位可敬个老教育工作者。伊搭孙起孟是安徽休宁个同乡，共事多年。比乐中学创办个辰光伊是教导主任，1949年担任“上海人民迎接解放保安大队”大队长。50年3月担任校长，一直做到81年，调任区教育局副局长，82年调到北京，担任中华职业教育总社主任再离开卢湾。杨善继搭仔育才中学个段力佩是上海两位五十年代就被评为“一级校长”个教育家。
我曾经读过杨善继夫人严媛英女士个回忆文章，搿位老校长一辈子投身教育事业，屋里房子勿大，看书、写字侪勒缝纫机浪向。五个子女，有四个到江西搭仔黑龙江插队，一眼也没搞特殊化，回城就业也是侪靠自家个。杨善继1984年去世个辰光，伊已经是全国政协常委，搿是伊休假个辰光带夫人到昆明去看看曾经工作过个西南联大旧址，勒机场办票柜台前突然昏倒走脱了。
无论如何，比乐搭仔五爱勒徐家汇路肇周路是合为一体了。勒寸土寸金个原卢湾地界，办学本身就是桩困难个事体，即使是比乐搿能介具有光荣传统个学堂，要寻到一块生存发展个地方侪是邪气困难个。伊拉崇德路个校址未来会得哪能介？我勿晓得。我只是想，李惠利中学能够改成五爱中学初中，搿是最理想个。假使因为种种个原因做勿到，葛末搿块地方变成比乐中学，也算是某种告慰伐。
比乐个朋友，老五爱是块风水宝地啊，希望㑚能够珍惜搿搭个一草一木，希望五爱搭仔比乐侪能够欣欣向荣，勿要再改校名，勿要再调校址，一直办下去伐。
杨善继先生勒回忆民国时代时曾经搿能讲：“半封建半殖民地个旧上海，勿少学堂几乎成了贩卖知识个学店，学堂搭家庭、教师搭学生个关系，也成了只是商品个买卖关系。我们办比乐，就是要创立一种新个学堂搭仔家庭个关系……”我想，应该记牢比乐老校长办学个初衷搭仔梦想个，绝勿应该仅有比乐中学一只学堂而已。
点以下文字即可听到精彩回放：
图片来自网络