择校勿亚于择偶（一）
沪语朗读：黄燕琼
朗读者
择校勿亚于择偶（一）
作者：胡伟立
沪语改写、朗读：黄燕琼
审核、推荐：丁迪蒙
老古言话讲”英雄勿问出处”，过去大多用勒江湖浪向，意思是强调人本来没啥个高贵或者卑贱，能者就是王。其实，现代社会更加讲究人个教养。
家教问出身，雅俗问学堂。拥有良好个气质搭仔格调个人，勿是从“好人家”走出来个，就是从“好学堂”里出来个，或者呢，是兼而有之。“好人家”没办法选择，是前世姻缘注定个，“好学堂”倒是可以精心挑选个。当然咾，既要有经济实力，更加要有眼光。
翻开中国教育史，近代学堂个教育是从上海起步个。
从19世纪中叶起，法国天主教耶稣会勒上海创办圣依纳爵工学会、美国传教士办裨文女塾等教会学堂，工部局搭仔公董局开班华童学堂咾啥，冲击了传统个封建传统教育，促进了上海个近代教育发展。
勒上海，1863年李鸿章设立外国语言文字学馆、上海方言馆；1878年张焕伦创办新式小学正蒙书院；1897年盛宣怀首办大学，创办南洋公学（即上海交通大学前身）。民国以后呢，兴办个公立、私立学堂就更加多了，经过几代爱国教育家个勿断追求，造就了一批各具特色个名牌学堂。
当年个名校，未必侪有漂亮、豪华个校舍，但必定有杰出个校长；未必侪有名流个赞助，但必定有优秀个教师；学费未必侪收得贵，但刻苦、肯读个学生是必定收个；未必侪有气派个校门、招牌，但独特个学风、校风是必定有个。
1925年6月3日，圣约翰大学洋人校长卜舫济因勿满学生为“五卅”烈士致哀降旗，大摆威风，命令全体学生马上到礼堂去听训诫。毕业班学生谢祖钹倡议集体退学，永远脱离圣约翰大学，并且今后再也勿进任何外国个教会学堂。当天下半天三点钟，圣约翰大学及附中共553名中国学生列队离校。第二天，上海各大日报侪刊登了《圣约翰大学暨附中学生脱离宣言》。紧跟勒海，全体17位华籍教师辞职，支持中国学生个行动。
离校后，师生搭仔学生家长积极筹划，邪气快个筹集成立了自家个“光华大学”。9月份正式开学，圣约翰大学553名离校生尽数入学，各地400多个学生也慕名前来报考。
勒“六 三”离校个学生当中有9名应届生，拒领圣约翰大学个毕业证书。光华大学为此举行了一场别开生面个“开学典礼暨毕业典礼”。搿9名学生成为了没勒光华上过一日天课个“特届毕业生”。光华学生周有光（语言学大师）曾经回忆：“阿拉勒简陋个饭厅里可以听到鲁迅、林语堂个演讲；勒草棚里可以听到胡适之、吕思勉、吴梅、章乃器、潘光旦、罗隆基、何炳松……个讲课；勒休息室里可以看到张歆、徐志摩咾啥谈诗……。老师踏实教学，学生学习努力，有得良好个学风。”
搭仔今朝个家长选学堂考虑升学率、就业率个标准勿同，过去个上海人择校并呒没介功利。
家有家风、校有校风，搿个侪是几代人慢慢叫传下来形成个独特文化。
精彩回放：
雪花的快乐
济南的冬天
夕阳无限好，句号
晨起慈心祝福
图片来自网络