倡议公筷公勺绝不是小题大做
沪语朗读：高仁
倡议公筷公勺绝不是小题大做
——从百家“上海市文明餐厅”
作者：邵岭
沪语改写、朗读：高仁
推荐：丁迪蒙
一份关于使用公筷公勺个倡议书，由上海交关部门联合发出之后，得到了餐饮业个积极回应。首批100家“上海市文明餐厅”响应号召，承诺根据用餐人数、菜品数量配备相应个公筷、公勺，全面提供一菜一公筷（勺），勒勒有条件个餐厅为客人提供分餐分食制；通过勒餐厅醒目位置张贴宣传海报、勒餐牌搭仔菜单浪予以温馨提示等多种方式，主动引导用餐宾客使用公筷、公勺；倡导家庭聚餐“一菜一筷，一汤一勺”，用“小餐桌”带动“大文明”。
几天以来，倡议搭仔承诺引发了热烈个社会反响，但是，勒市民当中也出现了一些勿理解个声音：不过是一双筷子、一把勺子嘛，是否有点小题大作了？
勒笔者看来，迭个勿仅勿是小题大做，小到每户人家、大到各个餐饮企业，还应该开动脑筋拿伊做好。
俗话讲：病从口入。迭个勿单单是指吃了勿清爽个食物会得生毛病，也包含了筷子、勺子勒菜碟之间侬来我往，会导致飞沫传染。一百多年前，公共卫生学家伍连德勒防控东北鼠疫个过程当中，就针对共食菜肴个习惯，主持推行过使用旋转餐桌搭仔公筷作为切断传播途径个重要手段之一。上世纪80年代爆发个甲肝搭2003年勒全国蔓延个“非典”，侪一次次个勒提醒大众使用公筷公勺个重要性。
所以，要讨论个勿是应勿应该推行公筷公勺，而是哪能拿搿桩事体真正做好。譬如，只要加双筷子搭把勺子就来三了？是否能够通过长短、大小搭仔颜色来对公筷、公勺加以区别，以免一勿当心错用脱，导致形同虚设？
进一步来讲，同样应该引起阿拉个警醒搭反思个，还有一些用餐行为。譬方边吃物事边讲闲话。古人讲：食不言，寝不语。阿拉往往拿迭个理解成为一种文明礼仪，却呒没意识到，迭个更加是一种理应得到倡导个健康用餐行为。疾控专家已经勿止一次指出，新冠病毒主要是通过飞沫，通过呼吸道进入人体，导致感染个，因此应该充分认识到，面对新冠病毒，良好个用餐习惯就是切断传播链个一道有效个防护墙。
实际浪，疫情爆发以来，大家已经开始自觉勿自觉个修正以往个卫生观念，并勒日常行为浪加以落实了，比如勤汏手、勿随地吐痰、咳嗽搭、打喷嚏个辰光要有遮挡咾啥。搿些日常生活小细节，看起来侪是微不足道个，但世界卫生组织个研究分析表明，影响健康个因素当中，有六成搭生活方式搭行为有关。哈佛大学免疫学搭传染病学博士内森·沃尔夫勒拨问到，个人哪能减少感染疾病个风险时，就拨出迭能介个回答：乘地铁搭飞机以后要汏手或者使用简易个含酒精个洗手液；勒搭人握过蛮多次手以后要尽快汏手；勿到万勿得已，尽量勿用手去碰鼻头搭仔嘴巴。
医学史告诉阿拉，人类每一次搭流行病搏斗之后，侪会带来生活方式个一场变革。就以1854年伦敦爆发个霍乱为例，流行病专家约翰·斯诺通过调查证明了，霍乱个流行来源于宽街个水泵。就是勒伊个呼吁之下，一方面伦敦政府及时关闭了勿清爽个水源，另一方面伦敦市民开始养成了勿少好习惯：清洗龌龊个衣裳、被头，勤汏手、水烧开之后再吃等等。今朝，阿拉仍然需要勿断修正自家个生活习惯搭仔方式——勒当今，迭个勿仅能够有效抵御新冠病毒个进攻，也会得勒将来更加好个保护阿拉自身。
朗读者