雪落悄然无声，心头念起有侬
沪语朗读：边秦翌
朗读者
来源：百草园书店
作者：倾云
沪语改写、诵读：边秦翌
啥人讲雪落下来是呒没声音个啊？有个呀。雪，就是冬个心语呀。
有人讲：心个空间有辰光老老大个，大到可以拿整个世界侪摆进去。而雪呢，就是冬个精灵，伊听得到，搿个世界最美个旋律；伊还能够传递心声，跨越辰光个鸿沟，倾尽所有。
心语，就像煞是几句老老温暖个闲话，老老温婉个念想，会得悄悄个聚集勒心里向，落勒能够听得到个地方。
侪讲雪花是雨滴个化身。无数个小雨滴，变成功无数个雪花，飘发飘发落下来了。就是因为雨滴是搿能个清爽，雪花，再会变得搿能个雪雪白呀。雪，有了水个灵动，慢慢叫流到心灵个角落，再用纯白个心语，一眼一眼开放出来。
侪讲冬天是个白颜色个季节。白颜色个天空，白颜色个大地……
葛么，是用啥人个诗意，渲染了冬，读懂了流年呢？
冷得刮刮抖个冬天，看过去，照样像春天一样可爱呀。
拿心里个想法，写成一首歌，一首冬天介个歌，勒勒时光里向，轻轻个吟唱。歌声勒温婉里向悄悄叫个飞扬，静静叫个转身，慢慢叫个流入了时光个河浜。
假使欢喜，泡一壶茶，一家头坐勒窗门前头，安安静静个等，等雪落下来。
雪落下来了，稍微挥一挥手，拿雪轻轻叫撸撸脱，实际浪向，轻轻叫撸脱个，是世俗个浮华。
雪落下来是呒没声音个，但是心里是有数个，就是为勒搿一份懂得，勒淡淡个流年里向，去寻一个心个释放。
冬个生命，或许邪气个短暂，偏偏雪花，让冬有了活泼个灵魂。假使讲，早一眼就能晓得搿眼事体，心灵就勿再孤寂，距离也就勿再遥远了。
听呀，静静叫个听，轻轻叫个讲，搿搭落雪了，落雪了呀。
看呀，静静叫个看，细细碎碎个雪绒花，悄悄叫个落勒眼睫毛浪向，一歇歇侬就看勿到了，呒没留下来一眼眼个影子。搿种美丽，是勿允许触碰个，假使侬想哭，就大声个哭，假使侬想笑，就拼命个笑。
心里向最最开始个想法，就勒勒搿里。
冬季个雪，用伊个生命，为阿拉谱写出了原色，轻盈，搭仔温婉……
图片来自网络
吴侬细语吟诗词歌赋
往期回顾：
“上海言话讲起来”旨在传播沪语，若有不当之处，敬请留言指正。
感谢您的支持转发，欢迎关注本公众号