尖沙咀海鮮點心放題 海港灣與盈彩5間酒樓同推！100分鐘任食44款：入座即送龍蝦伊麵＋鮑魚＋清蒸沙巴...
粵菜有又新放題！今次海港灣海鮮點心小廚連同盈彩飲食集團4間店，一同推出100分鐘2人起海鮮燒味點心放題，款式多達44款，入座即送龍蝦伊麵、鮑魚及清蒸沙巴，人均只需$228，都幾抵食！
撰文：艾菲｜圖片來源：海港灣海鮮點心小廚、盈彩飲食集團
閱讀全文
海鮮小炒點心放題100分鐘全日任食
近年不少中菜酒樓都搞搞新意思，推出各款小菜點心放題，平時酒樓叫餸食，一碟至少百多元，今次海港灣海鮮點心小廚連同盈彩飲食集團的4間粵菜店共同推出100分鐘海鮮燒味點心放題，由即日至8月31日，只要2人或以上同行即可以$228超抵價任食44款點心小菜。今次放題仲要全日供應，起身飲茶家庭樂又得，晚市同朋友暢飲大吃亦得！
2人入座即送3道菜：龍蝦伊麵、鮑魚及清蒸沙巴
今次5間酒家粵菜餐廳均有22款小炒菜式，只要2人或以上入座後即送人頭份蠔皇扣鮑魚、上湯開邊龍蝦伊麵及清蒸沙巴仔各一份。2人份量已經足足有原隻美國龍蝦上超有誠意，光吃這三款已經值回票價！除此之外，還有豉椒炒蜆、豉油皇海中蝦等各款炒海鮮，更有22款點心任食，晚上來歎個夜茶都得！
鮑魚入味又軟熟，若果想添食更可以每隻$28優惠加購。（圖片來源：海港灣海鮮點心小廚、盈彩飲食集團）
圖中已是2人份量，2人已經有原隻美國龍蝦超重皮！更可以以$28加購龍蝦半隻。（圖片來源：海港灣海鮮點心小廚、盈彩飲食集團）
清蒸沙巴仔魚腩油脂超多魚皮爽嫩，食落超滑溜。（圖片來源：海港灣海鮮點心小廚、盈彩飲食集團）
蝦餃用上蝶豆花製皮，粒粒晶瑩透超夢幻！（圖片來源：海港灣海鮮點心小廚、盈彩飲食集團）
熱呼呼的黑金流沙球勁流心，奶黃味濃爆！（圖片來源：海港灣海鮮點心小廚、盈彩飲食集團）
五層燒腩仔製作需時3小時。 經風乾油炸後，再燒3次。是心機之作！（圖片來源：海港灣海鮮點心小廚、盈彩飲食集團）
豉油皇海中蝦加入蒜、蔥、薑爆香，再下料酒、青紅椒、醬料。成品肉質爽彈惹味，鮮味十足。（圖片來源：海港灣海鮮點心小廚、盈彩飲食集團）
以蒜蓉、豆豉、薑片和辣椒爆炒，食落超有鑊氣，隻隻都脹卜卜。（圖片來源：海港灣海鮮點心小廚、盈彩飲食集團）
金瑤翡翠燒賣皇皮以菠菜汁製成，加上瑤柱認真特別！（圖片來源：海港灣海鮮點心小廚、盈彩飲食集團）
甜品方面有4款，其中一款桂花糕食落有淡淡的花香，超爽口。（圖片來源：海港灣海鮮點心小廚、盈彩飲食集團）
- 餐廳：海港灣海鮮點心小廚
- 地址：佐敦吳松街42-52號大觀樓地下A號舖（顯示地圖）
- 電話：3563 5319
- Facebook：海港灣海鮮點心小廚 Harbour Bay Kitchen
- 餐廳：盈翠軒粵菜 （尖沙咀店）
- 地址：尖沙咀廣東道33號中港城第五座平台樓層1-3號舖（顯示地圖）
- 電話：3709 2288
- Facebook：盈翠軒粵菜
- 餐廳：彩翠軒酒家（大角咀店）
- 地址：大角咀櫸樹街 88-90號奧柏御峯1樓（顯示地圖）
- 電話：3706 8893
- 餐廳：彩翠軒酒家（九龍城店）
- 地址：九龍城東頭邨安東樓地下1號（顯示地圖）
- 電話：2718 8880
- 餐廳：盈彩海鮮火鍋酒家（葵涌店）
- 地址：葵涌葵涌村葵涌商場 2 樓 207 號舖（顯示地圖）
- 電話：3188 3888
- 海鮮小炒燒味點心全日100分鐘放題
- 日期：即日起至8月31日
- 時間：星期一至日11:30am-4pm（最遲入座2pm）；6pm-10pm （最遲入座 8:30pm）
- 統一訂座電話：5487 1632（WhatsApp）
- 備注：
1. 5間分店所供應的菜式部分有所不同，而3位以上的送贈菜式份量請致電查詢分店。
2. 2人入場即贈:蠔皇扣鮑魚2隻（原價$136）＋上湯龍蝦伊麵（原價$228） ＋清蒸沙巴仔（原價$168）
3. 不適用於六月12、13、14、19、20日
赞 (0)