粤语本字“一缗”

关于我地讲“一蚊鸡”“两蚊鸡”（一元、两元）就肯定唔係“蚊螆”嘅“蚊”啦，甘呢个本字係边个呢？有认为係“缗”，有认为係“一文钱”个“文”。咁就先讲讲呢个“缗”，首先，呢个字係北宋时期嘅《广韵》就可以揾到，而用反切发发音係，武巾切，合拼起来就係“蚊”音。佢嘅原意係穿铜钱嘅绳。一缗就係一千个铜钱，又称为一吊钱。清末民初嘅时候，一银圆可以换一千个铜钱多啲，即係同一吊钱嘅价值係好接近嘅。到现代，一蚊等于一元。初时，一蚊嘅购买力好可观嘅，比如1950年代嘅时候，一蚊大约可以买7斤大米。

而一文钱，无论边个时代，购买力都好低嘅，比如北宋中期，一石大米，大约118市斤，要500文钱。到咗民国时期，根据鲁迅先生嘅作品《孔乙己》所讲，去饮一碗普通嘅酒都要10文钱。

所以呢个“缗”先至合理，粤语拼音係men1。普通话拼音係mín。