转身，遇到秋（下）
沪语朗读：朱友好
作者：春暖花开
沪语改写：丁曙立
诵读：朱友好
推荐：丁迪蒙
夏天个画卷，总是太妩媚，而秋个素描，就多了份内涵，搿一抹有眼厚重个色彩，便是季节书写个美感。走勒秋个路浪，凉风细细，时光走笔，夏天已变成回忆了，慢慢点身边个风景侪会变成秋天个样子，搿个又有啥关系呢？总有一天，阿拉讲过个闲话，做过个事体，走过个路，侪会变成过去个风景，但搿些曾经入眼入心个美好，却会得一直停留勒心底。
季节辗转，呒没为啥人许下永远，因为懂得，所以心安，每个季节侪有属于自家个美丽。也许忙忙碌碌个人生，听到几声鸟鸣，闻几处花香，能与一处风景不期而遇，与一缕清风温柔相待，便是慈悲搭仔圆满。
走过了夏天个喧嚣，就想勒清秋寻一份安宁，也许是内心对安稳搭温暖个一种渴望，总归是希望能于清宁个光阴中寻一个人，浅浅淡淡个爱着，讲讲心里闲话，和着彼此个步调，守一份安宁，即使是于低处，日脚也是生动个。
搿份妥贴搭自然，就像安静生长勒秋天个两棵植物，枝叶勒光阴中叠加生长，虽然朴素，却是彼此个依靠，搿些锁碎个情意，是光阴绵长共同走过个笃信，是相守人间岁月个安稳，搿份牵手烟火寻常个深情，时光终勿会辜负。
季节到了秋天，就像人生，走过了青春个华美，经过时光个沉淀，生活，只剩下一粥一饭个平淡，搭风风雨雨陪伴个温暖。
以前写文章，欢喜用眼华丽个词语，来装饰要写个人或事体，注重美感，而现在，只想用平实个语言，书一份简单，其实生活，不管曾经多少繁华，侪会回归简单个，就像搿安静个秋，虽然呒没了姹紫嫣红个艳丽，却有着成熟个况味搭美感。
总想勒秋风初起个辰光，让心捕捉到一丝清凉个气息，搿能，烦躁个喧嚣就可以少一眼，心就可以静一眼。佛讲，欲得净土，当净其心，随凡心净，即是净土，如此，如果想洁净素雅，先要修心，只有心底清澈了，生活个笔端，就可挥出别样个韵律。
欢喜搿句，水净香自远，心静花自开，光阴漫长，如果所有个别过，侪能洁净相忘，未尝勿是一种通透；所有个遇见，侪能多一份澄澈，未尝勿是一种欢喜。一场秋雨，拿天空汏得像碧玉一样明澈，心就随着霏霏细雨，入了秋个梦境；采撷一片秋叶，吟咏一首意韵情长，静静聆听小鸟个鸣叫，秋虫个呢喃。
季节流转，终会留下惆怅搭感怀，一念花开，一念花落，于秋风中，轻拾一地阑珊，体味着秋个况味，感受着秋意绵长。人生，要走过交关路，再能将尘世个风景侪看遍，再能轻握一份懂得，于岁月个辗转中妥帖安放自家。丁立梅讲，我只愿全世界个花，侪好好个开，而我，希望秋风中个每一片叶子侪能有好个归宿。
搿个秋天，愿时光多一眼明媚，岁月静好，侬亦无恙。
往期回顾：
图：网络 / 编辑：渺渺