搭侬碰着
作者：阿紫
沪语改写，诵读：汤伟民
我勒勒别人个故事里编织自家，朦胧当中，有一个声音，勒我个眼睛里，连绵成多情个雨季。
是侬，一定是侬，勒伊个遥远个地方，轻轻叫个喊我。轻轻叫喊我个，也一定是勿再遥远个侬。
我勒勒呼吸侬温暖个气息。心灵拿生命当中所有个泉水，开放成分别后，我伲等待个同一个消息。
真个感谢伊个夜里向让我碰着侬，侬看牢我个笔，用阳光一样个手臂，温暖了漂泊当中，我冻僵脱个一对翅膀。
侬讲：勿要让沉重，挂仔忒长个辰光，来贴牢我个胸口，让每一个季节，侪为你生出快乐搭仔欢喜。
就搿能，我伲一道阅读一盆炉火，一道欣赏一段音乐，让四季萧瑟，让雨雪淅沥。
我晓得，侬也晓得：千万年之前，我伲个心灵老早就已经相互联系，所以再会得勒勒千万年以后碰着，再会得勒勒千万个人当中惊讶个发现：侬读个是我，我写个是侬。
朗读者
往期回顾：
图：网络 / 编辑：渺渺
赞 (0)