归去来（四）
讲述：李国琪
作者：欧阳德彬
来源：渡十娘
沪语改写：边秦翌
沪语讲述：李国琪
算了，实在想勿出，就用原来个标题伐。伊点了一记排版软件浪向个保存按钮，关闭了电脑。
嗯，也就只好搿能介了。
第二天一上班，老大哥就拿张潮叫到了会议室。老大哥还特特为为关上门，介大个会议室只有伊拉两个人。老大哥还呒没开口，张潮就觉着有眼眼勿对头。张潮脑子里勿断回想自家最近做错脱啥个事体伐。撰稿任务按时完成个，勒办公室坐班个辰光比任何人侪要长，伊自家想勿出到底阿里出了差错。
以后侬少勒朋友圈里叽叽咕咕。老大哥沉默了一歇，讲。
勿要嫌比工资，勿要嫌比加班，勿要评价同事，也勿要炫耀自家写了多少多少字……老大哥驯兽师样个方形大口里吐出来条条禁令，像煞是环环相扣个锁链。
朋友圈难道勿再是私人空间了吗？张潮老底子也像其他人一样，隔三差五个发条朋友圈，沉浸勒“点赞”构筑个虚荣幻觉里，呒没想到无处勿在个“天空之眼”正迓迓叫盯牢仔伊。
勒此地上班，任何言行侪代表单位个形象，侬要注意影响。老大哥讲。其实，老大哥勒朋友圈里发个牢骚比任何人侪多，连得“食堂包子冷脱了”也要讲出来骂骂山门个。
“㑚想眼啥事体，难道能够瞒得了我吗？”老大哥曾经个一句闲话又回荡勒张潮个耳朵旁边。
老大哥像女人一样心细，伊可以拿所有个文章修剪得四平八稳，从来呒没出过思想导向浪个差错，确实邪气胜任书部个工作。伊个阅读量比书部个其他职员多得多，观点也蛮让人信服，就是一只脾气老臭个，“滚侬个蛋”，迭四个字是伊口语中个高频词汇，尤其是面对下属个辰光。勒张潮到书部来上班个半年之内，就有得两个面皮比较薄个女同事拨老大哥骂得跑了，一个转到其他部门，一个干脆就辞职了。
年轻人，刚刚参加工作，要学会时时刻刻夹仔尾巴做人。老大哥讲搿句闲话个辰光，张潮觉着自家真个是一匹狼或者是一只老虎，低眉顺眼，蓬松个大尾巴紧紧个夹勒两腿之间，蓄力完成便一跃而起。
谈话之后，张潮随即关闭了伊条宣泄个人情绪个通道，删脱了每一条朋友圈，个别有得纪念意义个图片小心加密。挨下来个两天，有几位好事之徒发来信息问伊是勿是拿伊拉屏蔽脱了。张潮费尽口舌，借口讲朋友圈有毒，忒浪费辰光咾啥个理由。好事者散去之后，伊坠入一阵虚空。迭个辰光，只有埋首书堆再能拨伊一眼眼安慰。搿能介也好，索性拿社交软件统统关闭脱，拿勿平之鸣囥进文字个褶皱里向。
“年轻人，勿要忘记脱，侬个一言一行代表单位个形象，勿代表侬自家。”天空浪向有得一只大眼睛投射地面，老大哥勒盯牢仔侬。
朗读者
往期回顾：
图：网络 / 编辑：渺渺