勿要忒拿自家当桩事体

讲述:高仁

勿要忒拿自家当桩事体

来源:人生哲学网

作者:哲学君

沪语改写:边秦翌

沪语讲述:高仁

推荐:丁迪蒙

侬根本呒没介重要。

美国小说家亚当·迈兹纳讲过迭能一句闲话:勿要拿自家看得忒重要,呒没侬,事体照样可以做得好。迭句闲话提醒阿拉:做人,千万勿要忒拿自家当桩事体。地球呒没了任何一个人照样会得转,日月星辰勿会得以一个人是否存在而转移,世间万物也勿会得因为一个人个意志而停止生长。人活勒海,最愚蠢个就是忒拿自家当桩事体,沉迷于自家编织个梦境里向,目空一切,自命勿凡。

西班牙有句谚语:自知之明是最难得个知识。

思想浅薄个人对自我个认知也邪气浅薄,一旦外界对伊有得一眼眼正面个评价,伊就会得高估自家个重要性。实际浪,人家捧侬,侬就是只精美个杯子,人家放手了,侬就是玻璃渣子,千万勿要高估自家勒别人心里个地位。

……

德国有谚语:只有勒人群当中,再能认得自家。

迭个世界每个人有得自家个烦恼,各人有得各人个生活,千万勿要认为所有个人侪会得拿精力摆勒侬个身浪。

所以,做人,无论拥有多少物事,处于啥个地位,一定要记牢,千万勿要高估自家个重要性。

呒没啥人是勿可替代个!

古希腊哲学家特莱斯有句邪气有名个闲话:人生最困难个是认得自家。

人可以自信,但是勿要自大;可以狂放,但是勿能狂妄。

做人最可怕个就是看勿清自家,过高估计自家对环境个影响,一叶障目,看勿到山外有山,人外有人。

……

英国著名作家莱辛讲过:阿拉个骄傲大多数是因为自家个无知。

为人处世,勿要拿自家看得忒重,搿是一种修养,一种风度,一种境界。

历史学家邓拓讲过:越是呒没本事个人就越加自命勿凡。

做人,一定要时时刻刻保持谦卑,虚心学习,再会得有所精进,成就更好个自家。

《弟子箴言·崇礼让》里讲:有一分谦退,便有一分受益处;有一分矜张,便有一分挫折来。

真正有得实力个人,往往是低调谦和,深藏勿露,勿管取得多少成就,从来勿会自视甚高,骄傲自满。做人,拥有谦虚个心态,保持谦卑个姿态,是一种豁达从容、大智若愚个智慧。

为人处世,无论何时何地,侪应该保持谦卑个状态,勿要忒看得起自家,勿要忒拿自家当桩事体。只有搿能,阿拉再能懂得勿断学习,勿断提升自家,更有底气个去面对生活中个风风雨雨。

朗读者

往期回顾:

詩詞誦讀——稚子弄冰

父亲100岁了

盲人摸象

蓝色的春天

积雪

伟大嗰中国文字

上海人搭新上海人

轧车子

如果白昼落进……

天伦

庚子年廿四節氣古詩詞誦讀合辑

農曆廿四節氣詩詞誦讀  大寒——和仲蒙夜坐

幸福

虚幻不实的美

詩詞誦讀——雪梅

海上的消息

沉没

图:网络  /  编辑:渺渺

(0)

相关推荐