做人，贵有“度量”搭仔“份量”
沪语朗读：洪瑛
做人，贵有“度量”搭仔“份量”
来源：禅是禅非
沪语改写：荣梅
朗读：洪瑛
人是社会人。生活离勿开搭人打交道，总归会得有碰碰磕磕个事体。搿就需要人要有涵养，有度量。当然，自然就有了份量。
弟子问师傅：“侬可以谈谈人类个奇怪之处伐？” 师傅回答讲：“伊拉急于成长，然后又哀叹失去个童年。伊拉用健康换取金钱，之后呢又想用金钱恢复健康。伊拉对未来焦虑勿已，却又无视现在个幸福。因此，伊拉既勿活勒当下，又勿活勒未来，伊拉活了个辰光好像从来勿会死亡；临死之前，又好像从来呒没活过一样。”
有一天，狗问狼：侬有房子车子伐？狼讲，呒没。狗又问：侬有一日三餐搭仔水果伐？狼讲，呒没。葛么有人陪侬白相带侬兜马路伐？狼还是讲呒没。狗邪气鄙视，讲：侬真无能，哪能一样物事也呒没个啦！狼笑了：我有勿吃污个个性，我有我追逐个目标，我有侬呒没个自由，我是孤寂个狼，而侬只是一只自以为幸福个狗！
一滴墨汁落勒一杯清水里，搿杯水立刻就变颜色，勿好再吃了；一滴墨汁假使融入大海，大海依然是蔚蓝色个。为啥？因为两者个肚量勿一样！呒没成熟个麦穗是直刮挺硬个，成熟个麦穗头就荡下来个。为啥？因为两者个份量是勿一样个！宽容人家，就是肚量；谦卑自家，就是份量；合起来，就是一个人个质量。
师傅问：假使侬要烧一壶开水，烧到一半辰光发现柴勿够了，侬哪能办呢？有个弟子讲，快点去寻，有个弟子讲去借，有个弟子讲去买。师父讲：为啥勿拿壶里向个水倒脱一眼呢？世界浪向个事体总归勿会得全部让侬称心个，有舍再会有得！
哈佛有只调查报告讲，人个一生平均只有7趟决定人生走向个机会，两趟机会当中相差7年左右，大概勒辣25岁之后开始出现，75岁以后就勿会有啥个机会了。迭个50年里向7趟个机会，第一趟老勿容易捉到，因为忒年轻；阿未一趟也覅捉了，因为忒老，捉勿动了。搿能，只剩下来5趟。假使有两趟机会勿小心错过了，葛么只有3趟机会了。
假使勿当心落脱100块洋钿，想勿起落勒啥地方，侬会得用200块洋钿个车钿去拿100块寻回来伐？迭个忒戆唻！但是类似个事体却勒勒人生当中勿断出现。比方讲拨人家骂了一句，却自家难过了交关辰光。为了一桩事体光火，勿惜损人勿利已，勿惜血本，只为了报复。失去一个人个感情，明明晓得已经呒没办法挽回来，但还是伤心了老长辰光…
往期回顾：
图：网络 / 编辑：渺渺