今期流行 沙嗲牛肉麵 湯麵分開上

傳統茶餐廳名物沙嗲牛肉麵，近期可謂「紅到爆」。啡色濃稠醬汁，配以辛辣湯底、鮮嫩牛肉及吸汁的麵條，吸引到網民開群組熱烈討論，更由本來尋常庶民麵食，一躍變為城中關注焦點。老茶記、新餐廳各師各法，或做套餐，或以煲仔上，最近更誇張到湯和麵分開上，食客可夾麵蘸砂煲沙嗲湯吃，媲美日本沾麵。究竟這股沙牛熱，還可以走多遠？別急找答案，趁湯還熱、麵仍爽，趕快試試吧！

首創煲仔沙嗲沾麵 煲仔榮記

沙嗲牛肉麵近期炙手可熱，其中一個始作俑者是慈雲山老牌茶餐廳榮記。1994年創辦，廿多年來一直安份守己賣茶記食物，直到十年前，80後兒子回巢，開始有了新點子，推出芝士煲仔飯，一石激起千重浪。

年前又首創煲仔沙嗲牛肉麵，即叫即煮，用砂煲滾住上，開蓋還冒煙滾泡，人人爭着打卡，江湖從此多事。今年8月，兒子Ray見煲仔沙嗲牛肉麵聲名大噪，索性另起爐灶，走出慈雲山，殺入旺角。

除了招牌煲仔飯、煲仔麵外，還推出新構思︰煲仔沙嗲牛肉沾麵。煲仔沙嗲湯和麵條、牛肉分開上，湯底上桌仍然滾熱辣，沙嗲膽沿用半世紀老字號綿香沙嗲，再加炒香過的花生碎、蝦米碎、大地魚粉，混和龍蝦湯或雞湯，熬成比煲仔湯麵要濃縮3倍的沾麵湯底；放麵一沾，吃入口裏，沙嗲十級香濃。牛肉選用了牛冧肉，肉嫩而腍，肥少瘦多，放湯一灼即熟，吃來除沙嗲濃香，還帶陣陣鮮味，吃到不能停止。這種沾麵吃法，剛好補救了煲仔麵滾着上麵條愈吃愈腍的弊病，難怪一推出，人龍即不斷，個個爭着來試，輕輕鬆鬆，又成為城中大熱。

元朗人氣沙嗲王 永順食店

問元朗人，哪裏的沙嗲牛肉麵最好吃，答案大都是它─永順食店，1986年開業，由車仔檔做到入舖，街坊個個都識。招牌沙嗲牛肉麵早己是名物，沙嗲牛肉分量超多，淋在湯麵上，送到客人面前，已聞到濃郁沙嗲香。牛肉都是新鮮貨，口感緊致有牛肉味。麵條選擇多，通粉、米綫、福麵、銀絲米粉……也可加錢選出前一丁、烏冬，甚至是日本進口的蟹黃麵，其質地比出前一丁更滑更爽口，熟客當然也識叫。

秘製潮州沙茶醬 老虎岩

沙嗲醬，有說來自潮州。因為潮州話茶和嗲同音，沙茶即沙嗲，是元祖老祖宗。大埔墟東昌街有家潮州粉麵店，老闆Kenneth是潮州人，推出的沙茶安格斯牛肉麵，用回潮州口味。沙茶醬用潮州貨，再以自家配方混調，配美國安格斯肥牛，做出自家口味沙嗲牛肉麵。沙茶醬香濃帶辣，肥牛油脂均勻，吃出不一樣的沙嗲味道。

花生香撲鼻 新華茶餐廳

長沙灣街坊個個也識新華茶餐廳，屹立青山道超過半世紀，樓下廳面、樓上雅座，是買少見少的典型舊式茶餐廳格局。奶茶、咖啡當然對辦。蛋撻、麵包，自設餅房，新鮮出爐。沙嗲牛肉麵更是店中名物，是茶餐的中堅分子，日賣二、三百客，十分誇張。

牛肉都用新鮮貨，切得厚薄均勻，肉味口感均好。靈魂是那沙嗲醬汁，自家配方，鹹香帶辣，又有濃郁花生香，層次豐富。還有沙嗲牛肉麵的湯下得不多，沙嗲醬汁沒有被稀釋，用麵條蘸着，吃到最後一啖也香濃。

撰文︰KIKI

攝影︰林良明、KIKI