粤语 | 星爷经典对白，盏鬼猛料快来看！
星爷
之电影经典对白
有几盏鬼猛料？
让渔公子带领大家马上重温经典片段！
一、逃学威龙
咁点解一个姓周一个姓曹架﹖
秦沛(校长)︰“你地两个系父子(指周星星同达叔)﹖咁点解一个姓周一个姓曹架﹖”
达叔︰“我本来叫佢做曹星星，但系唔知点解佢自己叫下叫左周星星…(细细声同周星驰讲) “咁讲得唔得呀周sir﹖”
周星星︰“It’s ok.”
较剪脚喎，你话笑死唔笑死。
周星星：“唔系呀嘛﹖支枪真系咁善良﹖(企图开支善良的枪又开唔到时讲) ”
周星星：“较剪脚喎，你话笑死唔笑死。” (周星星对达叔讲)
唔系叫你扮教师，叫你扮学生。
周星星：Morning Sir！周星星报到。
Sir：真系抵死，仲咁青靓白淨。转个圈比阿Sir睇下，唔驶怕丑ga，黎呀。（周星星转圈，阿sir吹口哨，又伸手摸佢…… ）
Sir：情不自禁，真系唔好意思。想唔想扎呀？
周星星：我唔想做鸭，sir。
Sir：我问你想唔想扎呀？
周星星：我系唔会做鸭既，sir。
Sir：九唔搭八，我问你想唔想升级呀？
周星星：想，但系我系唔会出卖自己既贞操既，sir。
Sir：边个要你既贞操姐，我要你既青春呀。
周星星：青春对于我黎讲同贞操一样咁重要，sir。
周星星：教书我冇乜信心。
阿头：唔系叫你扮教师，叫你扮学生。
周星星：扮学生！我当年就系因为至憎读书先至加入警队，我唔可以扮学生架！ 阿sir，你咁样做，就等如将我带去一个满佈毒蛇猛兽既火山口上面， 唔理我既哭叫，唔理我既哀号，狠狠地、亳无怜悯地，将我用脚一伸， 伸入火红既岩浆裡头，你咁做又于心何忍呢？
阿头：咁咪好萝！等你活得丰富，死得精彩！唔驶讲啦，吟诗都吟唔甩ga啦！
二、《唐伯虎点秋香》
点知个唐伯虎，佢横蛮不检点
唐伯虎：“禀夫人，小人本住在苏州的城边，家中有屋又有田，生活乐无边，点知个唐伯虎，佢横蛮不检点， 勾结官俯无目天，巧取亳夺我家田，我阿爷同佢反面，惨被佢一棍来打扁，我阿麻闹佢欺善， 更被佢捉了去唐府，强姦了一百遍，一百遍，最后仲悬梁梁自杀惨无边。佢还将我父子， 赶出了家园，流落到江边，我为求养老父，只有独自行乞在庙前，点知个唐伯虎，佢实在太阴险， 知道此情形，竟派人来暗算，把我父子狂抠在市前，小人身状健，残命得留存，可怜老父佢魂归天，此恨更难填，我为求葬老父，唯有卖身为奴咁作贱， 一面勤赚钱，一面读书篇，发誓要把功名显， 手刃仇人意志坚！从此唐寅诗集伴身边，我永记此仇不共戴天！！！ ”（唐伯虎向华夫人解释时rap出来)
烧鸡翼, 我锺~~~意食。
周星驰︰“ 烧鸡翼, 我钟~~~意食。”
朱铁和︰“ 但系你老母讲你就快钉。”
朱咪咪︰“ 愈系快钉之所以愈要整多只，如果依家唔食以后冇机会再食。”
朱铁和︰“ 你真系就快钉？”
周星驰︰“ 我真系就快钉。”
合︰“ 如果依家唔食以后冇机会再食。”
咁我英俊既相貌先得以保存
华府下人：“死做烂做似隻鸡，比人闹仲要开口笑，似隻鸡，好好笑！比人闹仲要笑笑口，似隻鸡，好好笑！”（华府低等下人之歌)
唐伯虎：“好在我拼命咁护住块面，咁我英俊既相貌先得以保存， 今晚就搵机会向佢来表白， 看你个秋香对我动情不动情？”
睇完D经典片段
大家系咪想快d翻屋企煲碟呢？
渔公子我先去睇片啦！