明信片上个勃拉高
讲述：徐辉
作者：薛理勇
沪语改写：顾敏
讲述：徐辉
朋友上传个上海1904年寄出个明信片，明信片是印有“上海勃拉高启”
我勒一个群里看见一张照片，是1904年寄出个明信片，上头有写“上海勃拉高启”。交关人勿明白，汉字“启”就是开启、打开个意思，勒信函中使用，就是“收”“收件人”个意思，迭位“勃拉高”个名气真个威震上海吗！通讯地址只写“上海”，伊就能够收到信函吗？勿是个。“启”还有向公众说明事体个意思，勒报刊浪向公众告知事体个文章就叫做“启”“启事”“小启”等，迭个“勃拉高启”就是“勃拉高发布个启事”，实际浪就是一种商家自制或者委托出版发行机构代制个个广告明信片。下面我来讲讲老上海“勃拉高明信片”个故事。
▲勃拉高明信片，位置是福州路河南路交叉路口
明信片一般分为“含资”搭“无资”两大类，含资明信片是由邮政发行个，搿种明信片已经包含了邮寄个费用，用户只要勒明信片浪填写收件人地址以及信个内容，邮政局就会拿明信片寄送到收件人手中，因为是“含资”，价钿也稍微贵一眼，当然，含资明信片个主要功能是信件，所以印刷也相对简单，但伊是邮品，收藏价值也会更高一眼。19世纪末，随着印刷技术个发展搭进步，大家可以拿清晰个照片、精美个画片印到纸头浪，乃末，大家就拿照片、图画印勒明信片上，吃官饭个邮政部门呒没葛西多个心思去做迭种事体，乃末商家钻了迭个空子，搿种明信片个样式是仿含资明信片个，但勿含邮资，必须加贴邮票再能被邮局接受代寄，当然，因为勿含邮资，仅仅是一种印刷品，收藏价值就低多了。同样，无资明信片也可以分为二大类，一类就是拨贴上邮票，加盖邮政局印戳被真真实实寄过个，称之为“实寄明信片”，伊可以被视为邮品，收藏价值较高，另一类并呒没拨寄过，葛末，伊就是一张普通个无资明信片，只是一种印刷品而已。
▲这张“勃拉高明信片”，贴上邮票就可以邮寄
无资明信片只是一种印刷品，发行者为了让大家欢喜伊而去购买，除脱勒印刷浪下功夫，还更加注重明信片浪印个图案内容，所以，早期勒中国印刷和发行个明信片大多会选用中国个风景、风情、风物作为图案，而发行明信片个机构又集中勒上海，所以，以上海为背景个明信片个种类最多。印刷明信片个成本不高，但其流行相当广，乃末，明信片也拨个别商家利用作为广告，笔者看见过个广告明信片勿少，最具个性和特色个要算“新大昌洋行”个“勃拉高启”广告明信片，伊拉自家勿印刷，勿制作明信片，而只是拿自家个广告加印到相关发行机构个明信片上，还真个起到了广而告之个效果。
▲邮政发行个含资明信片，几乎没有图案
新大昌洋行（Bracco& Co. ,C）是一家意大利商行，由意大利商人勃拉高（Ｃ. Bracco，后来也被译为布拉科）于1900年创办于上海，最初行址勒九江路，1904年接办法商大昌洋行（Gaillard Jeune, J.）个进口业务，1906年迁英租界四川路8号（1920年登记为四川路125号，应该是同一个地方，只是门牌编号改动而已），主要经营意大利、法国、美国个葡萄酒、烈酒、果品、包装食品等个进口、批发贸易，中国古玩、兽皮、茶叶等个出口业务，还代理欧洲多国个多家公司勒华业务，并勒上海个多处设有商品陈列柜，大约1931年，由于勃拉高退休回国，洋行被他个老乡梅罗（G. Minarolo）接盘，仍旧使用“新大昌”行名，但地址迁到“36-38 Rue du Consulat”，就是现在个金陵东路36-38号。
▲勃拉高是新大昌洋行个总办，即老板
▲四川路125号新大昌洋行
▲四川路129号（今621号）新大昌洋行勒南面（右面）隔壁，1925年
▲1937年登记，新大昌洋行勒公馆马路（金陵东路）36-38号
“新大昌”个明信片主要用于广告，而对象主要是他们勒海外个客户，所以，勒明信片图案选择上多为中国风情、风俗，既能使他们代理个欧洲公司了解“新大昌”个业绩，而这些充满东方异国风情也能引起西方人个兴趣和猎奇，也能加强与客户个彼此个合作。
▲清末个三角地小菜场，新大昌洋行勒四川路8号
这一张英文说明为“Hongkew Market”个明信片，对应个中文应为“虹口市场”，迭家室内菜场建于1891年，是上海出现个第一家室内菜场，木头结构，四面呒没墙壁，可以增加菜场通风，方便大家进出，上海当时虽然已经有的发电，但发电量邪气少，电费也邪气贵，用电灯呢，也是邪气奢侈个，乃末，菜场勒当中设计有亭式个天窗，既可以增加室内采光，又能提高通风，搿家菜场位于虹口文监师路、密勒路、汉璧礼路（今塘沽路、峨眉路和汉阳路）相互交叉个三角形地块上，乃末上海人就叫伊“三角地”或“三角小菜场”。1916年后又重新拆建为二层（部分三层）钢筋混凝土结构个室内菜场，底层主要为蔬菜市场，二层为鱼肉类副食品柜，以及包装食品柜、农副产品、日常生活用品柜，三层部分设店心店，部分为管理人员办公室，一直到20世纪末，“三角地”是上海最著名、规模最大个菜场，1997年拆除，原址为“三角地大楼”。
勒搿张明信片上印有“上海虹口售卖外国水果场。新鲜酸橘、苹果、蜜橘，欲买者请至四川路八号进口，新大昌洋行场启”。从行文来看，“新大昌”设勒三角地小菜场个并不是摊位，而是陈列柜，真个要买卖、批发还是要到“四川路八号”个洋行里。文中提到个“酸橘”应该是柠檬，蜜橘应是橙子。
另一张题为“上海乡下”个明信片，已经难以分辨是上海乡下个具体阿里搭，左侧前面一幢建筑个山墙搭今朝上海建筑中个山墙样式区别邪气大，搿种山墙俗称“观音兜”，大概是它个样子像佛教造型中观音菩萨身披个兜蓬相似，再会有搿能个名称，民间认为，观音菩萨一手拿一只瓷瓶，一手执一根细柳枝，只要她拿柳枝蘸一点水，顺手一洒，天下就会下瓢泼大雨，所以，把建筑山墙建成观音兜个形状，用于厌胜，可以防止火灾。真个是瞎三话四，但十分有趣。“观音兜”曾经是上海建筑个特色，交关普通，而现在也是很难寻到伊了。
勃拉高明信片
往期回顾：