侬晓得否？棉花曾是上海市花
讲述：曹凯
作者：王建运
讲述：曹凯
现在申城大多数人侪晓得上海市花是白玉兰，但沪上大多数人却勿晓得过去上海个市花居然是棉花。
民国十八年（1929），旧上海社会局向全市市民征选上海市花，初以莲花、月季、天竹作为市花候选对象，后又增加棉花、牡丹搭仔桂花征询市民意见。当年4月，评选结果揭晓：勒收回个17000多张选票当中，棉花竟然得票5496张，名列榜首，当选为上海市花。
棉花是非观赏性植物，哪能会得以高票率当选为沪上市花？搿是因为经济是上层建筑个基础，上海曾经是旧中国棉纺织业最集中、最发达地区，为了近水楼台向市区众多个棉纱厂提供原料，农民就拿棉花作为上海郊区大宗种植物。有数字统计，当时上海地区棉田数量已经以百万亩计，俨然成为当时全国最重要产棉区。
旧上海共设立了32个行政区，其中有13个区属郊区或地处城乡结合部，其明显特征是区内有农田村落，居住勿少土生土长、靠种田生活个本埠农民。搿13个区累计有村庄2600多只、农家67000户，农民大约有三十多万人。所以，当年号称“远东第一大都市”个上海，假使稍许离开灯红酒绿、车水马龙个市中心，譬如一江之隔个浦东，映入眼帘个即是阡陌纵横田野、村舍错落个农村景象。
以上农村与农民，是以种植棉花为生个，当年已约占全上海农田个七八成，其中以新泾、斯盛两区最多。上海所产棉花分北新泾、龙华、浦东及金蒂吴家等各品种，又以藉颜色分为红梗、青梗者，或者以絮质分毛囊、光囊等，因此，当时农民种植棉花选择个品种也十分讲究，假使种植方式欠缺或者选种勿佳，就会造成所产棉絮纤维粗短，就勿为一般棉纱厂所采购乐用，一年个劳作也就付之东流，加上沪上还有几十万从事纺织产业个工人，也侪靠加工生产棉纱过日脚，棉花自然成了绝大多数沪上市民心中个“神圣之物”了。
由于棉花种植规模勿断扩大，上海地区勒明清时代就成为了全国棉纺织业中心。18世纪开始，上海棉布开始远销欧美，外国人称为“南京布”个纺织品，其实交关是源自于上海个。到了上世纪20年代，上海已经是全国最大个棉纺织中心。郊外数百万亩棉田一望无际，棉纺织工厂纺纱机、织布机日夜运转，在相当长个一段时期，成为上海个支柱产业。
棉花拨选为市花，搿让当局有些意外，因此，当时《申报》勒报道当中解释“棉花为农产品中主要品，花类美观，结实结絮，为工业界制造原料，衣被民生，利赖莫大。上海土壤宜于植棉，棉花贸易尤为进出口之大宗，本市正在改良植棉事业，扩大纺织经营，用为市花以示提倡，俾冀农工商业日趋发展，希望无穷焉”。搿段闲话，拿沪上市民选棉花做市花缘由，阐释得邪气确凿无误了。
上海搭仔棉花个渊源还搭中国棉纺织史浪个著名人物黄道婆有关。
黄道婆（1245—1330年），松江府乌泥泾（今徐汇区）人，宋末元初，伊从海南岛回到上海，拿伊在黎族同胞欸搭学到个纺织技术，改进之后带回家乡，广泛传播。大约从元朝开始，上海周边地区棉花个种植面积开始扩展，传统个手工纺织便迅速发展。从宋代末年到20世纪初，从乡村手工老土布到规模庞大个现代化机器纺织业，从黄道婆到民国个纺织大王荣氏家族，棉花搭上海结缘几个世纪，棉花曾经带拨上海个美丽与富饶，应该拨历史所铭记。
往期回顾：
图：网络 / 编辑：渺渺