你走了，我们一定珍惜粮食，好好吃饭
朗读：周恋云
你走了，
作者：安静的萍
沪语诵读：周恋云
昨夜与今晨，神州大地连发两次地震，天地震颤，不知为何。
侬走了，我伲方才醒悟，那分明是大地有灵，要为侬嘶吼哀鸣。因为，侬对这沃土爱得深沉，天知，地晓。
迭个禾苗疯长个夏日午后，侬最后望了一眼岳麓山和湘江水，挥手自兹去。忽然，天低云垂，长沙雨落如泪。
侬是农民中个科学家，科学家中个农民。侬个梦想勿是面朝大海，而是心怀生民，踏遍荒芜，以一张弓个姿态，要在田间寻找一粒神奇的种子。侬是袁隆平，却胜似神农！
我伲该如何谢谢侬？半个世纪，一个民族个饱腹感，离勿开侬个披风沥雨。
侬早已感动中国，国人为侬挥毫题词——当侬名满天下个辰光，却仍然只是专注于田畴，淡泊名利，一介农夫，播撒智慧，收获富足。
今朝，长沙应是最闪耀个城，因为侬拿生命中个最后一瓣时光，在这里绽放。这热闹人间，忽然因侬而静默。四海之内，稻穗低垂，夏花黯然——世界上最关心我伲盘中餐个那个老人，走了。
满屏侪侬，侬个目光清澈，眉宇坚毅。一切世间浮华都让渡于侬，人们见过太多偶像坍塌，终于开始追逐真正个明星。侬身材不高却理想伟岸，背影清瘦却心怀社稷。
十四亿人为侬泪雨纷飞，让我伲明白何谓不朽、不灭。
对不起，一个花费毕生精力为黎民百姓守护粮仓和饭碗个侬，我伲却只是心怀敬慕，并不时常想起。直到迭个午后，惊闻侬已孤帆远渡，众生穿越繁华来送侬，才惊觉：丰衣足食数十载，还欠侬一个鞠躬。
听说，侬有两个梦：一个梦，是禾下乘凉；另一个梦，是杂交水稻覆盖全球。不知天堂是否有稻香十里，愿侬梦圆彼岸，一把竹椅一把蒲扇，安坐在比肩高粱的硕大稻穗下，吹南来熏风。
侬曾说：“我如果不在家，就一定在试验田；如果不在试验田，就一定在去试验田的路上。”这个清凉夏夜，但愿一个热爱稻田个人，若不是留在田间，便是回到了故乡。
一路走好！喜欢拉琴个侬，喜欢下棋个侬，爱吃零食个侬，童心不老。侬走以后，每当我伲举箸之际，侪会想起，搿碗里个软糯香甜，其实饱蘸了一个老人个毕生心血！
明朝，我伲还要淘米做饭。谁知盘中餐，粒粒皆恩情！我伲一定珍惜粮食，好好吃饭，也要代代铭记——人间真个有神农氏，伊个名字就叫袁隆平。
朗读者
往期回顾：
图：网络 / 编辑：渺渺