乘飞机二三事（三）
沪语朗读：王维杰
三、1999年
1999年初秋，我勒多伦多胃出血，邪气严重，住了一礼拜医院，勒屋里又休养了一个月，自家觉着好了，就按照原计划，回国探亲。
听讲我要回国，一位朋友搭我讲：伊个朋友想请我帮忙，带伊阿婆回上海，路浪向请我照顾照顾。我搭搿位朋友个朋友素昧平生，从无来往，但一想，举手之劳，做点好事，能帮就帮伐，就答应了。于是，伊个人随即就为伊个阿婆买了张搭我同一航班个机票，並请我到伊屋里搭老太太见面，认认人。
等到伊日天勒机场见面个辰光，我一呆，老太太是拨工作人员用电动车送进来个，因为随身行李有两只大包。搿个辰光伊个屋里人已经勿勒身边，过安检了，无疑，勒未来近廿个钟头个旅行当中，我要对搿个老太太负责了。
还算好，伊个身体还可以，可以走动个，就是行李忒多、忒重了。我有眼后悔：忘记脱搭伊屋里人讲，我刚刚生好大病，带人可以，背物事勿来三个。
哪能办呢，呒没退路了，只好硬勒头皮，为伊肩背手提搿两件行李了。好勒我自家是空手，只有一只斜背摆机票、护照个小包。
机场里向个通道邪气长，机舱里向个过道又邪气狭窄，手拎行李要横过来走再可以，还时勿时要撞到两侧个座椅，最难个是拿行李摆进或者取出勒头顶浪向个櫃子，邪气吃力。
伊个辰光多伦多到上海呒沒直飞，要到东京去转，东京机场又邪气大，转机要乘场内个轨道交通到另一个航站楼，可想而知，搿两只大包对我搿能一个刚生好大毛病个人来讲，是多少个劳累搭仔艰辛啊，但是，当时是感觉勿到个。
抵达上海已经是夜到，由于时差，凌晨四点钟我就醒了，起来大便，一看，哇，勿得了！黑颜色个，胃又出血了！再看，大便个前半部分是黄个，说明我勒多伦多还是好个，问题就是出勒搿一路浪向。
马上送中山医院，抢救个过程邪气惊险，医生讲出血个程度实在是忒严重了，再晏眼就可能影响到生命了。
唉，上趟胃出血只有一个多号头，应该讲还沒好透，却又为个素不相识个老太太肩背手提两只行李，从多伦多到东京，再从东京到上海，前后上下飞机四趟，何等艰难，我又是何等个麻痹大意啊！当然，搿也搭所谓“胃出血一般是呒沒啥感觉个”有关，忒危险了，尤其是勒长途飞机浪。
是个呀，勒人与人个交往浪，伊个年代交关人就是搿能个，讲情面，肯帮助别人。反观现在，对勿熟悉、呒没交情个人个相助已经邪气少了，雷锋叔叔勿见了，甚至发展到了“勿要搭陌生人说闲话”。
可见，短短个二十年，人个思想观念、道德品质也发生了巨大个变化，尤其是勒“助人为乐”方面。
小辰光，抬头看空中个飞机，无限向往，老是想，阿里一天自家也好乘飞机，有多少好啊！
呒沒想到，人到中年以后，竟然定居勒国外，于是，乘飞机便成了平常来西个事体。
多伦多到上海，半只地球，要十几个钟头，还有时差，所以旅途的确是相当吃力个。
勒刚刚出国个伊个几年里，我根本沒拿伊当桩事体，每趟动身前头，总归邪气开心，又好搭父母、亲人团聚了，又可以搭同学、朋友见面了，又可以品尝家乡个饮食了，所以呢，总归是“仰天大笑出门去”。
然而，随牢年龄的个增长搭仔体质个下降，多少年以后，慢慢叫觉着乘飞机有眼吃勿消了，搿种感觉越往后越厉害。
现在更加勿来三了，临到要回国，总归忧心忡忡，老是担心飞机浪个十几个钟头哪能熬、哪能捱过去。
唉，从小辰光想乘飞机，到老了以后怕乘飞机，搿又是多少大个变化啊！
原文：
乘飞机二三事
三、1999年
1999年的初秋，我在多伦多胃出血，很严重，住了一个星期的医院，在家又休养了一个月，自己觉得好了，于是便按照原计划，回国探亲。
听说我要回国，一位朋友对我说：她的一个朋友，想请我帮忙，带她的婆婆回上海，路上请我照顾一下。
其实，我与这位朋友的朋友素昧平生，从无来往，但一想，举手之劳，做点好事，能帮就帮吧，便一口允诺了。于是，那个人随即就为她的婆婆买了一张与我同一航班的机票，並请我到她家与老太太见上一面，认认人。
等到那天在机场里见面时，我一楞，老太太是被工作人员用电动车送进来的，因随身行李有两个大包。此时其家人已不在身边，因已过了安检，无疑，在未来近二十个小时的旅行中，我要对这个老太太负责了。
还算好，她身体尚可，能行走，就是行李太多、太重。这时我有些后悔：忘了事先告诉其家人，我刚刚生过大病，带人可以，背物不行。
怎么办呢，无退路了，只好硬着头皮，为她肩背手提这两件行李了。好在我自己是空手，只斜背一个放机票、护照的小包。
机场内的通道很长，机舱里的过道又很窄，手拎行李要横过来走才行，且不时地要撞到两侧的座椅，很累。最难的是将行李放入或取出在头顶上的櫃子，甚是吃力。
那时多伦多到上海是沒有直飞的，要到东京转，而东京机场又很大，转机要乘场内的轨道交通到另一个航站楼，可想而知，这两个大包对我这样一个刚生过大病的人来说，是何等的劳累与艰辛，但是，当时是感觉不到的。
抵达上海已是夜晚，由于时差，凌晨四点就醒了，我有早晨解手的习惯，一看，哇，不得了！黑便，胃又出血了！再一看，大便的前半部分是黄的，这说明，我在多伦多时还是好好的，问题是出在这一路上。
马上送中山医院，抢救过程极其惊险，医生说出血程度实在是太严重了，再迟些就可能影响到生命。
唉，上次胃出血才一个多月，应该说还沒完全痊愈，却又为一个素不相识的老太太肩背手提两个行李，从多伦多到东京，再从东京到上海，前后上下飞机四次，这是何等的艰难，我又是何等的麻痹大意啊！当然，这也与所谓的“胃出血一般是沒有什么感觉的”有关，太危险了，尤其是在长途飞机上。
是啊，在人与人的交往上，那个年代很多人就是这样，讲情面，肯助人。反观如今，对不熟悉、无交情的人的相助已经很少了，雷锋叔叔不见了，甚至发展到“不要和陌人说话”。
可见，短短的二十年，人们的思想观念、道德品质也发生了巨大的变化，尤其是在“助人为乐”方面。
结语
小时候，仰望空中的飞机，无限向往，老是想，哪一天自己也能乘上飞机，该有多好啊！
沒想到，人到中年后，竟定居国外，于是，乘飞机便成了寻常事。
多伦多到上海，半个地球，要十几个小时，还有时差，故旅途的确是相当劳累的。
然而，在刚出国的那些年里，我根本沒把它当回事，每次动身之前，总是很高兴，又能与父母亲人团聚了，又能与同学朋友见面了，又能品尝家乡的饮食了，所以，总是“仰天大笑出门去”。
然而，随着年龄的增长与体质的下降，多少年后，渐渐觉得乘飞机有些吃不消了，这种感觉越往后越甚。
到了如今，则更是不行，临到要回国了，总是忧心忡忡，老是担心飞机上的这十几个小时怎么熬、如何捱。
唉，从小时候想乘飞机，到老了后怕乘飞机，这又是一个多么大的变化啊！
2019年9月18日
图片来自网络
上海言话叙身边事体
往期回顾：
“上海言话讲起来”旨在传播沪语，若有不当之处，敬请留言指正。
感谢您的支持转发，欢迎关注本公众号